केपटाऊन, दक्षिण आफ्रिका : करोनाचा नवा व्हेरियंट ‘ओमिक्रॉन’नं जगभरात टेन्शन वाढवलं असतानाच आता आणखीन धक्कादायक माहिती समोर आलीय. दक्षिण आफ्रिकेच्या ज्या प्रांतात ‘ओमिक्रॉन’ व्हेरियंट सर्वात पहिल्यांदा आढळून आला होता, त्या भागातील रुग्णालयांत रुग्णसंख्येत तब्बल ३३० टक्क्यांनी वाढ झाल्याचं समोर येतंय. ही जगाला हादरा देणारी गोष्ट आहे.
गल्ली ते ग्लोबल सर्व गोष्टी जाणून घेण्यासाठी ई-चावडीच्या फेसबुक पेजला लाइक करा
गाँटेग प्रांत ठरतोय दक्षिण आफ्रिकेतील ‘वुहान’
दक्षिण आफ्रिकेच्या गाँटेग प्रांतात पहिल्यांदा ‘ओमिक्रॉन’ची उपस्थिती आढळून आली होती. त्यानंतर गाँटेग प्रांत हा दक्षिण आफ्रिकेतील ‘वुहान’ ठरला होता. गाँटेक अधिकाऱ्यांनी दिलेल्या माहितीनुसार, या आठवड्यात नव्यानं दाखल होणारी करोना रुग्णसंख्या ५८० वर पोहचली आहे. दोन आठवड्यांच्या रुग्णसंख्येवर नजर टाकली असता ही तब्बल ३३० टक्के वाढ असल्याचं दिसून येतंय.
गाँटेग प्रांतातच दक्षिण आफ्रिकेची राजधानी जोहान्सबर्गचाही समावेश होतो. या प्रांतातील केवळ ४० टक्के नागरिकांनाच करोना लशीची कमीत कमी एक मात्रा देण्यात आलीय.
ओमिक्रॉन : सर्वाधिक संक्रामक व्हेरियंट
करोनाचा ओमिक्रॉन व्हेरियंट हा आतापर्यंत समोर आलेल्या व्हेरियंटपैंकी सर्वाधिक संक्रामक असू शकतो तसंच मोठ्या प्रमाणातील म्युटेशन्सच्या जोरावर ओमिक्रॉन करोना लशीलाही मात देऊ शकतो, अशी धास्ती अगोदरच तज्ज्ञांकडून व्यक्त करण्यात आली होती. याच दरम्यान दक्षिण आफ्रिकेच्या तज्त्रांनी ओमिक्रॉन स्वरुपातील विषाणू संक्रमणामुळे रुग्णसंख्येत लक्षणीय वाढ झाल्याचं सांगितलंय. यातील अनेक रुग्णांत हलकी लक्षणं आढळून आली आहेत.
गाँटेग प्रांतातील आरोग्य तज्ज्ञ म्हणून ओळखल्या जाणाऱ्या डॉ. उनबेन पिल्लै यांच्या म्हणण्यानुसार, गेल्या १० दिवसांत कोविड १९ रुग्णसंख्येत मोठी वाढ पाहायला मिळाली. देशातील नव्या प्रकरणांपैंकी तब्बल ८१ टक्के प्रकरणं केवळ गाँटेग प्रांतातून आढळल्यानं या भागात ‘हाय अलर्ट’वर आहे.
समोर आलेल्या करोनारुग्णबाधितांमध्ये हलकी लक्षणं दिसून येत आहेत. या रुग्णांना हलका ताप, कोरडा खोकला, रात्री अधिक घाम सुटणं, शरीरात वेदना जाणवणं अशा प्रकारची लक्षणं दिसून येत आहे. यातील अनेक रुग्णांवर घरीच उपचार सुरू करण्यात आले आहेत.
