मुंबई : बॉलिवूड अभिनेता आणि ‘मिस्टर परफेक्शनिस्ट’ आमीर खानने अचानक सोशल मीडिया सोडण्याची घोषणा केली आहे. आमीरने आपल्या इंस्टाग्रामवर ‘गुडबाय’ या आशयाची शेवटची पोस्टमध्ये लिहिली आहे. मात्र अचानक घेतलेल्या निर्णयामुळे अभिनेत्याचे चाहते देखील आश्चर्यचकित झाले आहेत. ते सतत सोशल मीडियावरील त्याच्या या पोस्टवर कमेंट करत आहे, इतकेच नाही तर अनेकांनी आमिरला असा अचानक हा निर्णय का घेतला?, हा प्रश्न देखील विचारत आहेत.
गल्ली ते ग्लोबल सर्व गोष्टी जाणून घेण्यासाठी ई-चावडीच्या फेसबुक पेजला लाइक करा
आमीर ने आपल्या शेवटच्या इंस्टा पोस्टमध्ये म्हटले आहे की, ‘‘मित्रांनो, माझ्या वाढदिवसाच्या माझ्या प्रेमाबद्दल आणि शुभेच्छांबद्दल मनापासून धन्यवाद! वाढदिवसाच्या शुभेच्छांबद्दल आभारी आहे. माझे मन तुमच्या प्रेमाने भरले आहे. माझे हृदय तुमच्या प्रेमाने भरले आहे आणि ही माझी शेवटची पोस्ट आहे. दुसरी बातमी अशी आहे की सोशल मीडियावरील ही माझी शेवटची पोस्ट असेल. तरीही मी या माध्यमावर फारसे सक्रिय नसलो, तरी मी त्यांच्यापासून दूर राहण्याचे निश्चित केले आहे. आपण पूर्वीप्रमाणेच बोलू.’
आमिरने पुढे लिहिले आहे की, ‘यानंतर एकेपी’ ला (आमिर खान प्रॉडक्शन) त्याचे अधिकृत चॅनेल बनवले आहे, तर भविष्यात तुम्हाला त्याच्या चित्रपटांच्या अपडेट्स त्याच्या हँडल @akppl_official वर मिळेल. भरपूर प्रेम.’
दरम्यान, अमीर खान सध्या त्याच्या आगामी ‘लालसिंग चड्ढा’ चित्रपटाच्या चित्रीकरणात आहे. लीकडेच ‘मिस्टर परफेक्शनिस्ट ऑफ बॉलिवूड’ने आपला आगामी चित्रपट ‘लालसिंग चड्ढा’ रिलीज होईपर्यंत आपला फोन ‘लॉक’ ठेवण्याचा निर्णय घेतला होता. सेटवर त्याचा मोबाईल सतत वाजल्यामुळे त्याच्या कामावर परिणाम होणार नाही, याची काळजी घेण्यासाठी त्याने फोन बंद करण्याचा निर्णय घेतला आहे. सोशल मीडियाच्या जगाला निरोप देऊन, आमीरने त्याच्या चाहत्यांना त्यांच्या हँडलवर सतत समर्थन आणि प्रेम दिल्याबद्दल धन्यवाद दिले आहेत
