मुंबई : अभिनेत्री जॅकलीन फर्नांडिस सध्या सुकेश चंद्रशेखरबरोबर असलेल्या संबंधांमुळे चर्चेत आहे. सुकेश चंद्रशेखरवर २०० कोटी रुपयांची उधळपट्टी केल्याचा आरोप आहे. या प्रकरणाच्या तपासात सुकेशने जॅकलिनला महागड्या भेटवस्तू दिल्याचे समोर आले. त्यानंतर ईडीने त्याच्यावर कारवाई करत त्याची ७ कोटी रुपयांची संपत्तीही जप्त केली होती. कोर्टानं जॅकलीनला २६ सप्टेंबर २०२२ रोजी कोर्टात हजर राहायचे आदेश दिले आहेत.
गल्ली ते ग्लोबल सर्व गोष्टी जाणून घेण्यासाठी ई-चावडीच्या फेसबुक पेजला लाइक करा
जॅकलीनवर आहेत गंभीर आरोप
पटियाला हाउस कोर्टानं सप्लिमेंट्री चार्जशीटवर विचार केलाय. जॅकलीनला २६ सप्टेंबरला कोर्टात हजर राहावं लागणार आहे. हे प्रकरण सुकेश चंद्रशेखरशी संबंधित आहे. त्याच्यावर २०० कोटी रुपयांहून जास्त मनी लाँर्डिंगचे आरोप आहेत. सुकेश चंद्रशेखरची सहकारी पिंकी इराणीने सुकेशला जॅकलीनला भेटायला लावल्याचेही आरोपपत्रात उघड झाले आहे. सुकेशने पिंकीच्या मदतीने जॅकलिनला महागड्या भेटवस्तू आणि रोख रक्कम दिली होती.
सुकेशनं सांगितलं जॅकलीन माझी गर्लफ्रेंड
सुकेशनं सोशल मीडियावर जॅकलीसोबतचे फोटो शेअर केले होते. ती गर्लफ्रेंड असल्याचंही म्हटलं होतं. जॅकलीननं यावर अजून सफाई दिलेली नाही.
सुकेशने लपवली आपली मूळ ओळख
अभिनेत्रीने पुढे खुलासा केला की जेव्हा तिने सुकेशशी संपर्क साधला तेव्हा त्याने स्वतःची सन टीव्हीचा मालक म्हणून ओळख करून दिली. आपण जयललिता यांच्या राजकीय कुटुंबातील असून तो चेन्नईचा असल्याचेही त्यांनी सांगितले. जॅकलिन म्हणाली, सुकेश म्हणाला होता की तो माझा खूप मोठा चाहता आहे, आणि मी दाक्षिणात्य चित्रपट करावेत आणि सन टीव्हीच्या रूपाने त्याच्याकडे अनेक प्रोजेक्ट्स आहेत. तेव्हापासून दोघेही संपर्कात आले होते.