मुंबई : दिवंगत अभिनेता इरफान खानचा शेवटचा चित्रपट पुढच्या वर्षी प्रदर्शित होणार आहे. चित्रपट व्यापार विश्लेषक तरण आदर्शने त्याच्या ट्विटर अकाऊंटवरून ही माहिती दिली आहे. तरण आदर्श यांनी लिहिलं आहे की, इरफानचा शेवटचा चित्रपट.. सॉन्ग ऑफ स्कॉर्पियन्स – २०२१ मध्ये प्रदर्शित होणार. द सॉंग ऑफ स्कॉर्पियन्स या चित्रपटात इरफान खानने एका व्यापाऱ्याची भूमिका साकारली आहे.
गल्ली ते ग्लोबल सर्व गोष्टी जाणून घेण्यासाठी ई-चावडीच्या फेसबुक पेजला लाइक करा
इराणी अभिनेत्री गोलशिफ्तेह फरहानी आणि ज्येष्ठ बॉलिवूड अभिनेत्री वहीदा रहमान यामध्ये महत्त्वपूर्ण भूमिकेत आहेत. स्वित्झर्लंडमध्ये ७०व्या लोकार्नो फिल्म फेस्टिव्हल २०१७ मध्ये हा चित्रपट प्रिमीयर झाला होता. आता हा चित्रपट पुढच्या वर्षी प्रदर्शित होणार आहे. इरफान खानने कायम आपल्या दमदार अभिनय कौशल्याने प्रेक्षकांच्या मनावर छाप सोडली आहे. या चित्रपटातूनही त्याने दमदार अभिनय केला असणार आणि तो प्रेक्षकांच्या पसंतीस उतरणार आहे.
IRRFAN'S LAST MOVIE… #Irrfan's last film – #TheSongOfScorpions – to release in 2021… Directed by Anup Singh… Presented by Panorama Spotlight and 70mm Talkies. pic.twitter.com/RHJzxNYbXl
— taran adarsh (@taran_adarsh) December 28, 2020
इरफान खानने २९ एप्रिल रोजी मुंबईच्या कोकिलाबेन धिरूभाई अंबानी या रुग्णालयात शेवटचा श्वास घेतला. त्याने आपल्या अभिनयाने प्रेक्षकांच्या मनात आपली एक वेगळी जागा निर्माण केली होती. फक्त भारतच नाही तर जगभरात इरफान खानचे मोठ्या प्रमाणात चाहते आहेत. इरफानने फक्त हिंदी नाही तर हॉलिवूड चित्रपटांमध्येही काम केलं. इरफानने छोट्या पडद्यावरुन आपल्या अभिनयाला सुरुवात केली होती. मेहनतीच्या जोरावरच त्याने यश मिळवलं होतं.