मागील काही दिवसांपासून आशियातील सर्वात श्रीमंत व्यक्ती गौतम अदानी चर्चेत आहेत. अमेरिकी रिसर्च फर्म हिंडेनबर्ग रिसर्चने अदानी ग्रुपला मोठा धक्का दिला आहे. अदानी ग्रुपच्या कंपन्यांचे शेअर्स पडले आहेत. अदानींनी मेहनतीच्या जोरावर कित्येत अब्ज डॉलरचा व्यवसाय उभारला. स्वत: कॉलेज ड्रॉप-आउट अदानी आज लाखो लोकांना रोजगाराच्या संधी उपलब्ध करुन देत आहेत. पोर्ट, एनर्जी, लॉजिस्टिक्स, अॅग्री बिजनेस, रिअल इस्टेट, एयरपोर्ट्स, नॅच्युरल गॅस अशा अनेक सेक्टर्समध्ये त्यांचा दबदबा आहे.
गल्ली ते ग्लोबल सर्व गोष्टी जाणून घेण्यासाठी ई-चावडीच्या फेसबुक पेजला लाइक करा
सायकलवरुन विकायचे साड्या
गौतम अदानी वयाच्या १५व्या वर्षी घरोघरी जाऊन सायकलवरुन कपडे, साड्या विकण्याचं का करायचे. अहमदाबादच्या जुन्या शहरांमध्ये आजही अदानी टेक्सटाइल्सची दुकानं दिसतात. त्यावेळी गौतम अदानी यांचे वडील ही दुकानं चालवत होते. आपल्या वडिलांना मदत करण्यासाठी गौतम अदानी सायकलवरुन साड्या घरोघरी जाऊन विकत होते.
याचवेळी त्यांची भेट मलय महादेविया यांच्याशी झाली. या दोघांमध्ये मैत्री झाली आणि आजही ते दोघं एकत्र काम करतात. अहमदाबादमध्ये हवं तसं यश मिळत नसल्याने त्यांनी थेट मुंबई गाठली.
१६ वर्षी सुरू केला व्यवसाय
गौतम अदानी वयाच्या १६व्या वर्षी खिशात १० रुपये घेऊन मुंबईत आले आणि एका हिरे व्यापाऱ्याकडे नोकरी केली. या हिरे व्यापाऱ्याकडे त्यांनी काही महिने काम केलं. त्यानंतर त्यांचा भाऊ मनसुखलाल यांनी गौतम अदानींना पुन्हा अहमदाबादमध्ये बोलवलं. अहमदाबादला आल्यानंतर त्यांनी भावासोबत प्लास्टिक बनवण्याच्या फॅक्ट्रीमध्ये काम केलं.
१९८८ मध्ये अदानी इंटरप्रायजेज पाया रचला
भावासोबत त्याच्या फॅक्ट्रीमध्ये काम करण्यासह त्यांनी १९८८ मध्ये अदानी इंटरप्रायजेजचा पाया रचला. त्यांनी एक्सपोर्ट-इम्पोर्ट कंपनीद्वारे व्यवसाय क्षेत्रात पाऊल ठेवलं. १९९० पासून त्यांची आर्थिक स्थिती सुधारू लागली. १९९५ मध्ये अदानींना गुजरातच्या मुंद्रा पोर्टचं कॉन्ट्रॅक्ट मिळालं. हेच कॉन्ट्रॅक्ट अदानींसाठी टर्निंग पॉईंट ठरलं.
सर्वसामान्यांशी संबंधित व्यवसाय
अदानींनी आपल्या व्यवसायाचा फोकस नेहमी सर्वसामान्यांच्या संबंधित गोष्टींकडे ठेवला. त्यांनी थर्मल पॉवर, नॅच्युरल गॅस, अॅग्रो प्रोडक्ट्समध्ये गुंतवणूक केली. त्याशिवाय फॉर्च्यून तेल, सोयाबीन, रिफाइन अशा दररोज लागणाऱ्या वस्तू त्यांची कंपनी विल्मर तयार करते. त्यांनी रिअल इस्टेट आणि इन्फ्रास्टक्चरसारख्या सेक्टरमध्येही पाऊल ठेवलं. आज देशातील सात सर्वात मोठी विमानतळं अदानी ग्रुपकडे आहेत. अदानी इंटरप्राइज लिमिटेड गुवाहाटी, जयपूर, मंगळुरू, मुंबई, अहमदाबाद, लखनऊ, तिरुवनंतपुरम विमानतळांची देखरेख करतं.
केवळ ३० ते ३५ वर्षांत त्यांनी यशाची मोठी शिखरं गाठली. कधी सायकलवर घरोघरी फिरणारे गौतम अदानी आज लक्झरी कार्स, प्रायव्हेट जेटचे मालक आहेत. गुजरात, दिल्ली, गुडगावसारख्या शहरांत त्यांची घरं आहेत. सध्या अदानी आपल्या कुटुंबासह अहमदाबादमध्ये राहतात.
