काम-धंदा

६०० ई-मेल आणि ८० फोन कॉलनंतर भारतीय युवकाला मिळाली थेट वर्ल्ड बँकेने नोकरी

नवी दिल्ली: एखादी गोष्ट मिळवण्यासाठी मेहनत आणि चिकाटी दाखवली तर त्याचे फळ कधीना कधी मिळले. हे वाक्य एका भारतीय युवकासाठी तंतोतंत खरे ठरले. अनेक प्रयत्नानंतर युवकाला थेट जागतिक बँकेत नोकरी मिळाली.

गल्ली ते ग्लोबल सर्व गोष्टी जाणून घेण्यासाठी ई-चावडीच्या फेसबुक पेजला लाइक करा

येल विद्यापीठातून पदवी घेतलेल्या वत्सल नाहटाने ६०० इ-मेल आणि ८० फोन कॉल केल्यानंतर नोकरी मिळाली. ही नोकरी मिळवण्याची सुरुवात २०२० मध्ये झाली. जेव्हा करोनाची लाट आली होती. नाहटाने एप्रिल २०२० मध्ये पदवी मिळवली. पण करोनामुळे अनिश्चिततेचे वातावरण होते, त्यामुळे नोकरी मिळेल की नाही याबद्दल शंका होती. त्याने स्वत:चा प्रोफाइल लिंक्डइनवर शेअर केला.

२०२०मधील पहिले ६ महिने फार कठीण होते. संपूर्ण जग करोनाविरुद्ध लढत होते आणि नोकऱ्या मिळणे अवघड ठरत होते. करोनामुळे अनेक कंपन्यांनी कर्मचारी कपात सुरू केली होती आणि हजारो लोकांचा रोजगार गेला होता. सर्व कंपन्यांची अवस्था खराब होती अशात नवी नोकरी मिळण्याचा प्रश्नच नव्हता, असे नाहटा म्हणाला.

नाहटाने मे २०२० मध्ये येल विद्यापीठातून इंटरनॅशनल अॅण्ड डेव्हलपमेंट इकॉनमिक्समधून मास्टर डिग्री घेतली होती. त्याच वर्षी अमेरिकेचे तत्कालीन अध्यक्ष डोनाल्ड ट्रंप यांनी इमिग्रेशनच्या नियम आणखी कठोर केले. याचा फटका नाहटा याला देखील बसला. तेव्हा त्याला अशी एक कंपनी शोधण्यात यश आली जी त्याला व्हिसा स्पॉन्सर करेल. नाहटा अनेक कंपन्यांच्या मुलाखतीत अंतिम फेरीपर्यंत पोहोचला होता. पण त्याला रिजेक्ट करण्यात आले होते. कारण एकच होते की त्या व्हीसा स्पॉन्सर करू शकत नव्हत्या.

ट्रंप यांच्या धोरणामुळे कंपन्या अमेरिकन नागरिकांना नोकऱ्या देत होत्या. अशात त्याला येल विद्यापीठाची पदवी म्हणजे कागदाचा तुकडा वाटत होती. अशा प्रतिकुल परिस्थितीत नाहटाने निश्चय केला की काही केले तरी भारतात जाण्याचा पर्याय योग्य नाही. तसेच आपला पहिला पगार हा अमेरिकन डॉलरमध्ये असला पाहिजे. अशात नाहटाने एक कठोर निर्णय घेतला तो म्हणजे, कुठेही नोकरीसाठी अर्ज करायाच नाही आणि नोकरी देणाऱ्या वेबसाइटवर सर्च करायचा नाही. त्याने नेटवर्किंगचा मार्ग निवडला. नेटवर्किंग म्हणजे अनोळखी व्यक्तींना मेल पाठवायचा किंवा फोन करायचा, यातून प्रतिसाद मिळण्याची शक्यता अधिक वाटत होती.

नाहटाने नेटवर्किंगवर दोन महिने जोरदार मेहनत घेतली. लिंक्डइनवर १ हजार ५००हून अधिक कनेक्शनवर रिक्वेस्ट पाठवली. त्याशिवाय ६००हून अधिक अनोळखी व्यक्तींना ई-मेल आणि ८० हून अधिक फोन केले. मी दिवसाला कमीत कमी २ कॉल करत होतो. मात्र प्रत्येक जण मला नकार देत होता. या नकारामुळे मी माझी मानसिकता तयार करून घेतली. अखेर मे महिन्याच्या पहिल्या आठवड्यात मला चार नोकऱ्यांची ऑफर आली. त्यापैकी एक वर्ल्ड बँकेची होती. त्याने बँकेची ऑफर स्विकारली. ही नोकरी होती वर्ल्ड बँकेचे विद्यमान रिसर्च डायरेक्टरांसह मिळून मशिन लर्निंगवर पुस्तक लिहण्याचे होते. वत्सल नाहटा सध्या आंतरराष्ट्रीय नाणेनिधीत एक रिसर्च एनालिस्ट म्हणून कार्यरत आहे.