भारतात ५ जी नेटवर्क सुरु करण्यासाठी एअरटेल’चा मोठा निर्णय

भारतात 5G Network Service कधीपर्यंत सुरू होणार आहे. असा प्रश्न प्रत्येक मोबाइल आणि इंटरनेट युजर्सना विचारत आहेत. तर सध्या ६० हून जास्त देशात ५ जी सर्विस सुरूही झाली आहे. मात्र १.३५ अब्जच्या लोकसंख्येच्या देशात भारतात अद्याप ५ जी सर्विस सुरू करण्यात आली नाही. विशेष म्हणजे चीन आणि अमेरिका सारख्या देशात आता 6G नेटवर्क सुरू करण्याचा प्रयत्न सुरू केला जात आहे.

याच दरम्यान एक महत्त्वाची बातमी समोर आली आहे. टेलिकॉम कंपनी एअरटेलने भारतात ५ जीची टेस्टिंग केली आहे. सरकारकडून याला मंजुरी मिळाल्याचे म्हंटले जात आहे. त्यामुळे भारतातही ५ जी नेटवर्कची सुरुवात लवकरच केली जाणार असल्याच्या चर्चा आता सुरु झाल्या आहेत. एअरटेल क्वॉलकॉमच्या Radio Access Network platformचा वापर करून लोकांना ५ जी ची सुविधा देणार आहे. या बाबत एअरटेल क्वॉलकॉममध्ये करार करण्यात आला आहे. एअरटेल क्वॉलकॉमच्या मदतीने भारतात ५ जी सर्विस सुरू करणार आहे. तसेच यासोबतच 5G Fixed Wireless Access देण्यासाठी क्वॉलकॉम मोठी भूमिका बजावणार आहे.

दरम्यान, भारतात आगामी काही दिवसांत ५ जी नेटवर्क सुरू करण्यासाठी जोरदार प्रयत्न केले जात आहे. भारतात आगामी काही महिन्यात ५ जी नेटवर्क सुरू केलेले दिसणार आहे. एअरटेल, रिलायन्स जिओ, वोडाफोन आयडिया, बीएसएनएल सह अन्य टेलिकॉम कंपन्या भारतात ५ जी सर्विस सुरू करू शकते.यात स्पेक्ट्रम लिलाव, लायसेन्स, आणि टेस्टिंग सह अन्य आवश्यक पूर्तता करण्यात येणार आहे.

क्वॉलकॉम ही अमेरिकेची प्रसिद्ध कंपनी आहे. जे टेलिकॉमचे उपकरण बनवते. भारतातील लोकांना चांगली ५ जी सेवा देण्यासाठी प्रयत्न केले जात आहे. एअरटेल भारतात Qualcomm 5G RAN प्लॅटफॉर्मचा वापर करून RAN बेस्ड 5G नेटवर्क सुरू करणार आहे. याच्या मदतीने घरात आणि ऑफिसात हाय स्पीड ५ जी सेवा सुरू करणार आहे. क्वॉलकॉमच्या प्रोसेसरची जगभरातील स्मार्टफोन्ससाठी मागणी आहे. आता एअरटेल आणि क्वॉलकॉमची पार्टनरशीप करण्यात आली आहे.