बीसीसीआयच्या माजी संचालकांचे कोरोनामुळे निधन
देश बातमी

बीसीसीआयच्या माजी संचालकांचे कोरोनामुळे निधन

नवी दिल्ली : कोरोनाच्या प्रादुर्भावामुळे अनेक लोकांचे जीव जाताना दिसत आहेत. आता सीबीआयचे माजी संचालक रणजीत सिन्हा यांचं कोरोनामुळे निधन झाल्याचे समोर आले आहे. दिल्लीत शुक्रवारी सकाळी त्यांनी अखेरचा श्वास घेतला. ते ६८ वर्षांचे होते. गुरुवारी रात्री त्यांचा कोरोना रिपोर्ट पॉझिटिव्ह आला होता असं वृत्त वृत्तसंस्थेने दिलं आहे.

गल्ली ते ग्लोबल सर्व गोष्टी जाणून घेण्यासाठी ई-चावडीच्या फेसबुक पेजला लाइक करा

रणजीत सिन्हा बिहार कॅडरचे १९७४च्या बॅचचे आयपीएस अधिकारी होते. २०१२ ते २०१४ दरम्यान ते सीबीआयच्या संचालकपदी होते. सीबीआयच्या संचालकपदी नियुक्ती होण्याआधी रणजीत सिन्हा यांनी रेल्वे सुरक्षा दलाचे (आरपीएफ) नेतृत्व केलं होतं. याशिवाय दिल्ली आणि पाटणामध्ये सीबीआयच्या वरिष्ठ पदावरही होते. सीबीआयचे प्रमुख असताना रणजीत सिन्हा अनेक वादांमध्ये अडकले होते. इशरत जहाँ चकमक प्रकरणावरुन त्यांचा गुप्तचर विभागाशी वाददेखील झाला होता.

२०१४ मध्ये त्यांच्या पत्नीने पाटणामधून लोकसभा निवडणूक लढवण्याचा निर्णय घेतल्यानंतर ते पुन्हा एकदा चर्चेत आले होते. कोळसा खाण घोटाळ्याच्या तपासात मध्यस्थी करत असल्याचा आरोपही त्यांच्यावर झाला होता. २जी घोटाळ्यातील आरोपी किंवा कंपन्यांचे प्रतिनिधी अनेकदा त्यांच्या निवासस्थानी गेल्याचं समोर आलं होतं.