प्रेमाच्या जाळ्यात ओढून अल्पवयीन मुलीवर बलात्कार, नंतर इस्लाम धर्म स्वीकारण्यासाठी दबाव
देश बातमी

प्रेमाच्या जाळ्यात ओढून अल्पवयीन मुलीवर बलात्कार, नंतर इस्लाम धर्म स्वीकारण्यासाठी दबाव

कर्नाटक : कर्नाटकात अल्पवयीन मुलीवर बलात्कार झाल्याची धक्कादायक घटना समोर आली आहे. महत्त्वाची गोष्ट म्हणजे बलात्काराच्या आरोपीने मुलीवर धर्मांतरासाठी दबावही टाकला. त्याला इस्लाम स्वीकारण्यास सांगण्यात आले. या प्रकरणी पीडितेच्या वडिलांच्या तक्रारीच्या आधारे पोलिसांनी आरोपी तरुणाला अटक केली असून पुढील तपास सुरू आहे.

गल्ली ते ग्लोबल सर्व गोष्टी जाणून घेण्यासाठी ई-चावडीच्या फेसबुक पेजला लाइक करा

युनूस पाशा उर्फ फयाज मोहम्मद असं आरोपी तरुणाचं नाव आहे. त्याने १३ वर्षांच्या मुलीला स्मार्ट फोन गिफ्ट केल्याचे सांगितले जात आहे. त्यानंतर त्याच्याशी चॅटिंगची सुरू झालं आणि व्हिडिओ कॉलवरही चर्चा झाली. मुलीच्या कुटुंबीयांना या मुलाबद्दल कोणतीही माहिती नव्हती. त्यानंतर आरोपी तरुणाने मुलीचे काही आक्षेपार्ह फोटो काढले आणि त्याद्वारे तिला ब्लॅकमेल करण्यास सांगितले.

घटनेच्या दिवशी काय घडलं?…

पोलिसांनी दिलेल्या माहितीनुसार, आरोपी तरुण तरुणीवर शारीरिक संबंध ठेवण्यासाठी दबाव टाकत होता. त्या दबावात ८ नोव्हेंबरला पीडित कुटुंब काही दिवसांसाठी शिर्डीला गेले. मुलगी आजीसोबत घरी होती. आरोपी तरुणाने तिच्या आजीला अंमली पदार्थ मिसळून खायला दिले आणि त्यानंतर मुलीवर बलात्कार केला. बलात्कारानंतर मुलीवर धर्म बदलण्यासाठी दबाव टाकण्यात आला. जर पीडितेने इस्लाम स्वीकारला तर तो तिच्याशी लग्न करेल, असा आग्रह धरण्यात आला होता.

या परिस्थितीला कंटाळून मुलीने सर्व प्रकार घरच्यांना सांगितला. त्या आधारे पीडितेच्या वडिलांनी तक्रार दाखल केली. त्यांची मुलगी आठवीच्या वर्गात शिकते, असे तक्रारीत सांगण्यात आले आहे. शेजारी राहणाऱ्या एका व्यक्तीने तिच्यावर बलात्कार केला आणि नंतर तिला धर्मांतर करण्यास भाग पाडले. सध्या पोलिसांनी या प्रकरणी पोक्सो कायद्यांतर्गत गुन्हा दाखल केला असून आरोपी तरुणाला अटक केली आहे.