राज्यात पुन्हा उच्चांकी आकडा; दिवसभरात ३६ हजार ९०२ कोरोनाबाधित

मुंबई : राज्यातील कोरोना प्रादुर्भाव काही केल्या कमी होताना दिसत नाही. दररोज कोरोनाबाधितांची उच्चांकी आकडे समोर येत आहेत. दररोज मोठ्या संख्येने नवीन कोरोना बाधित आढळून येत असून, रूग्णांच्या मृत्यूंच्या संख्येतही मोठी भर पडत आहे.

दिवसभरात राज्यात ३६ हजार ९०२ नवीन कोरोनाबाधित आढळून आले. तर ११२ रूग्णांचा मृत्यू झाल्याची नोंद झाली आहे. राज्यात आतापर्यंत ५३ हजार ९०७ रूग्णांचा मृत्यू झालेला आहे. राज्यातील मृत्यू दर २.४ टक्के आहे. राज्यात सध्या २ लाख ८२ हजार ४५१ अॅक्टिव्ह केसेस आहेत.

राज्यात आज 36,902 कोरोना बाधीत रुग्णांची वाढ झाली व आज नवीन 17019 कोरोना बाधित रुग्ण बरे झाले आहेत.एकूण 2300056 रुग्ण बरे होऊन दवाखान्यातून घरी पाठविण्यात आले आहेत.राज्यात एकूण 282451 ऍक्टिव्ह रुग्ण आहेत. राज्यातील रुग्ण बरे होण्याचे प्रमाण आता 87.2%झाले आहे.#CoronaVirusUpdates

— Rajesh Tope (@rajeshtope11) March 26, 2021

त्याचबरोबर मागील २४ तासांत १७ हजार १९ जण कोरोनातून बरे झाल्याने त्यांना डिस्चार्ज देखील मिळाला. आतापर्यंत राज्यात २३ लाख ५६ जण कोरोनातून बरे झाले आहेत. राज्यातील रूग्ण बरे होण्याचे प्रमाण (रिकव्हरी रेट) ८७.२ टक्के आहे. कोरोनाच्या पार्श्वभूमीवर आतापर्यंत प्रयोगशाळेत तपासणी करण्यात आलेल्या १,९०,३५,४३९ नमुन्यांपैकी २६,३७,७३५ नमूने (१३.८६ टक्के) नमूने पॉझिटिव्ह आढळले आहेत. सध्या राज्यात १४,२९,९९८ जण गृह विलगीकरणात आहेत. तर १४ हजार ५७८ जण संस्थात्मक विलगीकरणात आहेत.