मुंबई : माजी गृहमंत्री अनिल देशमुख यांची सीबीआय चौकशी सुरू आहे. परंतु, चौकशीत अनिल देशमुख यांनी आपल्यावरील सर्व आरोप फेटाळून लावले आहेत. गेल्या 7 तासांपासून अनिल देशमुख यांची चौकशी सुरू आहे. आणखी काही तास ही चौकशी सुरू राहणार आहे. मात्र, न्यूज १८ लोकमतने दिलेल्या वृत्तानुसार अनिल देशमुख यांनी आपल्यावरील लावण्यात आलेले सर्व आरोप तथ्यहीन आणि चुकीचे असल्याचा देशमुखांनी दावा केला आहे. महाराष्ट्राला आणि राज्य सरकारला बदनाम करण्याचा काही अधिकाऱ्यांचा हा प्रयत्न आहे, असा आरोपही देशमुख यांनी केली.
गल्ली ते ग्लोबल सर्व गोष्टी जाणून घेण्यासाठी ई-चावडीच्या फेसबुक पेजला लाइक करा
सीबीआयच्या अधिकाऱ्यांनी सचिन वाझे, परमबीर सिंग यांच्या पत्राबद्दल अनेक प्रश्न विचारले. पण मला माहित नाही, माझा काहीही संबंध नाही अशी उत्तर अनिल देशमुख यांनी दिली. मुंबई स्फोटकांनी गाडी सापडली या प्रकरणानंतर परमबीर सिंग यांची बदली केल्याने त्यांनी पत्र लिहले आहे.
एटीएसने केलेल्या तपासानुसार परमबीर सिंग यांचा या प्रकरणात सहभाग असल्याचा संशय आहे. डीसीपी राजू भूजबळ आणि एसीपी संजय पाटील यांनी त्यांच्या जबाबात स्पष्ट केलं आहे. मी त्यांना कोणतीही वसुली करायला सांगितले नाही, असंही देशमुख यांनी सांगितले आहे.
