नांदेड: जिल्ह्यातील हिमायतनगर तालुक्यातील सरसम या गावातील अंत्यविधी उरकून परत येत असलेल्या स्वर्ग रथाला अपघात झाला. हा अपघात हिमायतनगर शहरापासून तीन किलोमीटर अंतरावर असलेल्या दारूम उलुम जवळ घडला. या दुर्घटनेत १२ जण जखमी झाले. यापैकी पाच जणांना गंभीर स्वरुपाची दुखापत झाली आहे.जखमींना पुढील उपचारासाठी नांदेडच्या शासकीय रुग्णालयात हलवण्यात आले आहे.
गल्ली ते ग्लोबल सर्व गोष्टी जाणून घेण्यासाठी ई-चावडीच्या फेसबुक पेजला लाइक करा
हिमायतनगर तालुक्यातील सरसम येथे परसराम कांबळे यांचे निधन झाल्यामुळे त्यांच्या अंत्यविधीसाठी नातेवाईक गेले होते. परसराम कांबळे यांच्या अंत्ययात्रेसाठी स्वर्ग रथ नामक गाडीची व्यवस्था करण्यात आली होती. कांबळे यांचे पार्थिव याच स्वर्ग रथात ठेवून स्मशानभूमीकडे नेण्यात आले होते. अंत्यविधी आटोपल्यानंतर उमरखेड तालुक्यातील नातेवाईक हिमायतनगरकडे स्वर्ग रथाने येत होते. दरम्यान स्वर्गरथ भोकर ते हिमायतनगर राष्ट्रीय महामार्गावरील दारू उलुम येथे येताच स्वर्ग रथाचा अपघात झाला. स्वर्गरथ पलटी झाल्याने यामधून प्रवास करणारे आठ ज्येष्ठ महिला व ४ पुरुष हे जखमी झाले आहेत. या सर्व जखमी रुग्णांना हिमायतनगर ग्रामीण रुग्णालयामध्ये उपचारासाठी दाखल करण्यात आले. यातील पाच गंभीर जखमी रुग्णांना पुढील उपचारासाठी नांदेड येथील शासकीय रुग्णालयात हलवण्यात आले आहे.
अपघातात जखमी झालेल्या लोकांची नावे खालीलप्रमाणे:
सुनंदा दिलीप कांबळे,चातारी तालुका उमरखेड (वय ४०)
दिलीप कांबळे चातारी ता. उमरखेड,
मिराबाई पांडुरंग तुळसे धानोरा ता.हिमायतनगर (वय ५५)
पुण्यरथा भारत साखरे रा. गांजेगाव तालुका उमरखेड (वय ५७)
गंगाराम संभाजी कांबळे खरुस ता. उमरखेड (वय ७५)
सुदाम बाळू वाठोरे रा. खरूस ता.उमरखेड (वय ६५)
पांडुरंग दत्ता वाठोरे रा. सिरंजनी तालुका हिमायतनगर (वय ६७)
वच्‍छलाबाई पांडुरंग वाठोरे रा. सीरंजनी ता. हिमायतनगर
प्रयागबाई प्रल्हाद तुळसे रा. धानोरा ता. हिमायतनगर (वय ६०)
शांताबाई दिगंबर तुळसे राहणार धानोरा तालुका हिमायतनगर (वय ६२)
सगुना मधुकर तुळसे रा. धानोरा (वय ३५)
संगीताबाई उत्तम तुळसे रा. धानोरा (वय ४६)
