रत्नागिरी/गुहागर: एका महिलेला भेटण्यासाठी वेष बदलून येण्याचा प्रयोग कोकणातील एका तरुणाला चांगलाच महागात पडला. हा तरूण मंगळवारी गुहागरच्या शृंगारतळी बाजारपेठेत त्याचे मन जडलेल्या महिलेला भेटण्यासाठी होता. यावेळी त्याने बुरखा परिधान केला होता. परंतु, नागरिकांच्या जागरुकतेमुळे हा प्रकार संबंधित तरुणाला चांगलाच महागात पडला. बुरखाधारी तरूणाचे हे कृत्य लक्षात आल्याने त्याचा प्लॅन फसला आणि थेट पोलिसांच्या चौकशीला समोर जावे लागले. मात्र, यानिमित्ताने प्रेमासाठी आजचे तरुण काहीही करू शकतात याचा प्रत्यय आज गुहागर तालुक्यातील नागरिकांना आला. हा तरुण श्रृगांरतळी बाजारपेठेच्या परिसरात फिरत होता. त्यावेळी त्यांच्या हालचाली नागरिकांना संशयास्पद वाटल्या. त्यामुळे नागरिकांनी या तरुणाला पकडून थेट पोलिसांच्या ताब्यात दिले.
गल्ली ते ग्लोबल सर्व गोष्टी जाणून घेण्यासाठी ई-चावडीच्या फेसबुक पेजला लाइक करा
हा तरुण चिपळूण शहराजवळचा असून तो बुरखा घालून का आला, याची चौकशी गुहागर पोलिसांनी केली असता प्रथमदर्शी एकतर्फी प्रेमातून एका महिलेला भेटण्यासाठी आल्याचे त्याने कबूल केले. शृंगारतळीत बाजारपेठेत नेहमीच वर्दळ असते. त्यामुळे येथे बाहेरून येणाऱ्या प्रत्येक नागरिकाकडे कोणाचेच लक्ष नसते. त्यामुळे आपला डाव यशस्वी होईल, या आशेने चिपळूण तालुक्यातील एक तरुण एकतर्फी प्रेमातून एका महिलेला भेटण्यासाठी शृंगारतळीत आला होता. त्याने चक्क बुरखा घातला होता.
बाजारपेठेतून फिरत असताना एका मनसे पदाधिकाऱ्याच्या मुलाने त्याला बरोबर हेरले. त्याच्या भीतीने या तरुणाने पळ काढण्याचा प्रयत्न केला. मात्र येथील नागरिकांनी त्याचा पाठलाग केला व त्याला पकडले. हा तरुण बुरखा घालून का आला, त्याचा हेतू काय? याची चौकशी पोलिसांनी केली. पोलिसांनी आपला खाक्या दाखवताच त्याने एकतर्फी प्रेमातून भेटण्यासाठी आल्याचे कबूल केले. गुहागर पोलिसांनी या संशयित तरूणावर ताब्यात घेऊन गुन्हा दाखल केला आहे.
