मुंबई : भारतात कोरोनाच्या प्रादुर्भावाने थैमान घातले असून दररोज हजारो लोक आपला जीव गमावत आहेत. माजी भारतीय खेळाडू रुद्रप्रताप सिंह (आर. पी. सिंह) याच्यावर दु:खाचा डोंगर कोसळला आहे. आर. पी. सिंहच्या वडिलांचे कोरोनामुळे निधन झाले आहे. त्याने ट्विटरवर यासंदर्भात माहिती दिली.
गल्ली ते ग्लोबल सर्व गोष्टी जाणून घेण्यासाठी ई-चावडीच्या फेसबुक पेजला लाइक करा
It is with deepest grief and sadness we inform the passing away of my father, Mr Shiv Prasad Singh. He left for his heavenly abode on 12th May after suffering from Covid. We request you to keep my beloved father in your thoughts and prayers. RIP Papa. ॐ नमः शिवाय 🙏🙏
— R P Singh रुद्र प्रताप सिंह (@rpsingh) May 12, 2021
भारतीय लेगस्पिनर पीयूष चावला याच्याही वडिलांना कोरोनामुळे जीव गमवावा लागला. महिला क्रिकेटपटू वेदा कृष्णमूर्तीची आई आणि बहिण यांचेही निधन झाले. यंदाच्या आयपीएलमध्ये राजस्थान रॉयल्सकडून दमदार कामगिरी केलेला जलदगती गोलंदाज चेतन साकारियाचे वडीलही करोनामुळे जीव गमावला होता. त्यानंतर आर पी सिंहच्या वडिलांचा कोरोनामुळे निधन झाले आहे. भारतातील कोरोना विषाणूची स्थिती बिकट आहे आणि दररोज लाखो लोकांना संसर्ग होत आहे. आर. पी. सिंहच्या वडिलांच्या मृत्यूनंतर आकाश चोप्रा, इरफान पठाण, पार्थिव पटेल यांनी ट्विटरवर श्रद्धांजली वाहिली आहे.
आर. पी. सिंहची क्रिकेट कारकीर्द
भारतीय संघाकडून आर. पी. सिंहने चमकदार कामगिरी केली. तो देशाकडून तिन्ही स्वरुपात खेळला. कसोटी क्रिकेटमध्ये त्याने १४ सामन्यात ४० बळी घेतले. याशिवाय एकदिवसीय सामन्यात त्याने ५८ सामन्यांत ६९ बळी घेतले. टी-२० क्रिकेटच्या १० सामन्यात त्याने १५ बळी घेतले. आयपीएलमध्येही आर. पी. सिंहने ८२ सामन्यांत ९० बळी घेतले.
