मुंबई: महिला प्रीमियर लीगमध्ये महिला क्रिकेटपटूंनी आपल्या खेळाने एकच दबदबा निर्माण केला आहे. महिला प्रीमियर लीगचा वाढता रोमांच पाहून सर्वांनाच आता आयपीएलच्या १६ व्या सीझनचे वेध लागले आहेत. ही लीग चाहत्यांसाठी आणि क्रिकेटपटूंसाठी नेहमीच काहीतरी खास आणि नवीन आणते, ज्यामुळे लोकांना सामन्याचा अधिक आनंद लुटता येतो. आयपीएलच्या नव्या सीझनमध्ये रिव्ह्यू घेण्याची पद्धतही बदलणार आहे. एका नवा नियम आता आयपीएलमध्ये पाहायला मिळणार आहे.
गल्ली ते ग्लोबल सर्व गोष्टी जाणून घेण्यासाठी ई-चावडीच्या फेसबुक पेजला लाइक करा
टी-२० लीगमध्ये पहिल्यांदाच खेळाडूंना वाइड आणि नो-बॉलच्या निर्णयावर रिव्ह्यू घेण्याचे स्वातंत्र्य मिळत आहे. WPL म्हणजेच महिला प्रीमियर लीग ही पहिली स्पर्धा आहे ज्यात हा नियम लागू झाला होता आणि आता आयपीएलमध्येही हा नियम वापरला जाणार आहे. यावेळचे आयपीएल थोड्या वेगळ्या ढंगात पाहायला मिळणार हे स्पष्ट झाले आहे. नेमकी हीच गोष्ट डब्ल्यूपीएलमध्ये पाहायला मिळत आहे.
