नवी दिल्ली : बीसीसीआयकडून ऑक्टोबर २०२० ते सप्टेंबर २०२१ या कालावधीसाठी खेळाडुंचे वार्षिक करार जाहीर करण्यात आले आहेत. अ+ श्रेणीत केवळ ३ खेळाडूंचा समावेश करण्यात आला आहे. कर्णधार विराट कोहली, उपकर्णधार रोहित शर्मा आणि जलदगती गोलंदाज जसप्रीत बुमराह सर्वाधिक कमाई करणारे खेळाडू ठरले आहेत. तिघांनीही अ+ श्रेणीत स्थान राखले असून त्यांना वर्षाला सात कोटी रुपये मिळणार आहेत.
गल्ली ते ग्लोबल सर्व गोष्टी जाणून घेण्यासाठी ई-चावडीच्या फेसबुक पेजला लाइक करा
एकूण चार श्रेणींमध्ये खेळाडुंची विभागणी करण्यात आली आहे. आर अश्विन, चेतश्वर पुजारा, अजिंक्य रहाणे, हार्दिक पांड्या, के एल राहुल, शिखर धवन, मोहम्मद शामी, इशांत शर्मा, ऋषभ पंत व रविंद्र जाडेजा यांनी अ श्रेणीत स्थान मिळवलं अशून त्यांना पाच कोटी रुपये मिळणार आहेत. ब श्रेणीत पाच खेळाडू असून यामध्ये मयंक अगरवाल, वृद्धीमान साहा, भुवनेश्वर कुमार, उमेश यादव व शार्जूल ठाकूर यांचा समावेश असून त्यांना तीन कोटी रुपये मिळतील.
तर चौथ्या किंवा क श्रेणीमध्ये दहा जणांना स्थान मिळालं असून यामध्ये कुलदीप यादव, नवदीप सैनी, दीपक चहर, हनुमा विहारी, अक्षर पटेल, श्रेयस अय्यर, वॉशिंग्टन सुंदर, युजवेंद्र चहल, मोहम्मद सिराज व शुबमन गिल यांना स्थान मिळाले असून त्यांना एक कोटी रुपये वार्षिक मानधन मिळणार आहे.
करारबद्ध खेळाडूंची यादी
अ+ श्रेणी (७ कोटी) : विराट कोहली, रोहित शर्मा, जसप्रित बुमरा
अ श्रेणी (५ कोटी) : रविचंद्रन अश्विन, रवींद्र जडेजा, चेतेश्वर पुजारा, अजिंक्य रहाणे, शिखर धवन, लोकेश राहुल, मोहम्मद शमी, इशांत शर्मा, ऋषभ पंत, हार्दिक पंड्या.
ब श्रेणी (३ कोटी) : वृद्धिमन साहा, उमेश यादव, भुवनेश्वर कुमार, शार्दूल ठाकूर, मयांक अगरवाल
क श्रेणी (१ कोटी) : कुलदीप यादव, नवदीप सैनी, दीपक चहर, शुभमन गिल, हनुमा विहारी, अक्षर पटेल, श्रेयस अय्यर, वॉशिंग्टन सुंदर, यजुर्वेंद्र चहल, मोहम्मद सिराज.
