नवी दिल्ली: WhatsApp Account: व्हॉट्सअॅप जगभरातील लाखो युजर्सचे आवडते मेसेजिंग प्लॅटफॉर्म आहे. कंपनी देखील युजर्सचा अनुभव अधिकाधिक चांगला होण्यासाठी सतत अॅप अपडेट करत असते. पण, पुढील महिन्यापासून काही फोनवर WhatsApp काम करणार नसल्याचे सांगण्यात येत आहे. Apple च्या अलीकडील सपोर्ट अपडेटमध्ये असे सांगण्यात आले आहे की, इन्स्टंट मेसेजिंग अॅप काही जुन्या iPhones वर यापुढे काम करणार नाही. WABetaInfo च्या मागील अहवालात असे म्हटले होते की, मेसेजिंग अॅप WhatsApp २४ ऑक्टोबरपासून iOS 10 आणि iOS 11 डिव्हाइसला सपोर्ट करणे थांबवेल.
गल्ली ते ग्लोबल सर्व गोष्टी जाणून घेण्यासाठी ई-चावडीच्या फेसबुक पेजला लाइक करा
याव्यतिरिक्त, WhatsApp ने आयफोन युजर्सना अलर्ट देणे सुरू केले आहे. जे युजर प्रोग्रामचे iOS 10 किंवा iOS 11 व्हर्जन वापरत आहे त्यांना मेसेजिंग अॅपच्या वापरकर्त्यांना आधीच एक मेसेज मिळाला असून त्यांना सूचित करण्यात आले आहे की, हे अॅप त्यांच्या स्मार्टफोनवर उपलब्ध होणार नाही.
व्हॉट्सअॅपने आयफोन आणि अँड्रॉइडसाठी बनवला नियम
आता व्हॉट्सअॅप वापरण्यासाठी यूजर्सला त्यांचा आयफोन अपडेट करावा लागेल. व्हॉट्सअॅपने यापूर्वी आपल्या Support Page वर स्पष्ट केले आहे की, सेवा वापरणे सुरू ठेवण्यासाठी आयफोन युजर्सकडे iOS 12 किंवा नंतरचे Version असणे आवश्यक आहे. इन्स्टंट मेसेजिंग अॅपने स्मार्टफोन युजर्ससाठी एक अट देखील ठेवली आहे की, Android 4.1 किंवा त्यावरील युजर्स लवकरच WhatsApp वापरू शकणार नाहीत.
