Aadhar च्या गैरवापरापासून युजर्सना सेफ ठेवण्यासाठी UIDAI ने सुरु केली ‘ही’ सर्व्हिस, एका SMS ने होईल काम
टेक इट EASY

Aadhar च्या गैरवापरापासून युजर्सना सेफ ठेवण्यासाठी UIDAI ने सुरु केली ‘ही’ सर्व्हिस, एका SMS ने होईल काम

नवी दिल्ली : आधार कार्ड हे असेच एक कागदपत्र आहे. ज्याशिवाय, अनेक महत्त्वाची कामे खोळंबू शकतात. हॉटेल बुकिंगपासून ते नोकरी मिळवण्यासाठी आणि बँक खाते उघडण्यासाठी आधार कार्ड आवश्यक झाले आहे. अशा परिस्थितीत आधार कार्ड कुठेतरी हरवले तर आपणही मोठ्या संकटात सापडू शकतो. हरविलेल्या आधार कार्डचा गैरवापर देखील होऊ शकतो. आधारचा गैरवापर टाळण्यासाठी UIDAI तुम्हाला आधार लॉक करण्याची सुविधा देखील देते. तुमची इच्छा असल्यास, आधार हरवल्यास तुम्ही ते लॉक देखील करू शकता. त्यामुळे आधार कार्डचा गैरवापर करता येणार नाही. आधार धारक त्यांचा आधार क्रमांक एसएमएसद्वारे लॉक आणि अनलॉक करू शकतात. UIDAI ने ‘Aadhaar Services over SMS’ नावाची सेवा सुरू केली आहे. जी आधारधारकांना इंटरनेटशिवाय आधार लॉक आणि अनलॉक करण्यास सक्षम करते.

गल्ली ते ग्लोबल सर्व गोष्टी जाणून घेण्यासाठी ई-चावडीच्या फेसबुक पेजला लाइक करा

एसएमएसद्वारे आधार लॉक/अनलॉक करण्यासाठी असा व्हर्च्युअल आयडी तयार करा:

एसएमएस सेवा वापरून तुम्ही आधारचा गैरवापर होण्यापासून कसे वाचवू शकता ते जाणून घ्या. या सेवेच्या मदतीने एसएमएसद्वारे आधार लॉक/अनलॉक करण्यासाठी असा व्हर्च्युअल आयडी तयार करता येतो. आधार कार्ड व्हर्च्युअल आयडी तयार करण्यासाठी, प्रथम तुमच्या मोबाइलच्या एसएमएस बॉक्समध्ये जाऊन आणि GVIDAadhaa-Number-last-4-digits टाइप करा. यानंतर, आधार क्रमांकाच्या शेवटचे ४ क्रमांक टाकून १९४७ क्रमांक पाठवा. यानंतर तुमचा व्हर्च्युअल आयडी जनरेट होईल. यानंतर, OTP मिळविण्यासाठी, तुम्ही हा GETOTPAadhaar-NUMBER-अंतिम-४-अंकी टाइप करून १९४७ क्रमांक टाका. OTP पुन्हा मिळविण्यासाठी, तुम्हाला GETOTPVirtual ID-NUMBER-अंतिम-६-अंकी टाइप करून पाठवावे लागेल.

एसएमएस सेवेसह आधार क्रमांक लॉक/अनलॉक कसे करायचे ? एसएमएसद्वारे आधार कार्ड लॉक आणि अनलॉक करण्यासाठी, तुम्हाला २ मेसेज पाठवावे लागतील. व्हर्च्युअल आयडी जनरेट केल्यानंतर, तुम्ही १९४७ क्रमांकावर LOCKUIDAadhaar Number-अंतिम ४-digits OTP-६-digits दुसरा मेसेज पाठवू शकता. दुसरीकडे, जर अनेक आधार कार्ड एका क्रमांकाशी जोडलेले असतील, तर तुम्ही LOCKUIDAAadhaar Number-last-८-digitsOTP-६-अंकांवर मेसेज करून आधार लॉक देखील करू शकता. अनलॉक करण्यासाठी, १९४७ क्रमांकावर UNLOCKUIDVirtual-ID-last-10-digitsOTP-६ -अंक पाठवून तुमचे आधार कार्ड अनलॉक करू शकता.