सूर्याकुमार यादव सध्या भन्नाट फॉर्मात आहे. पण या एका सामनात सूर्याने दोन मोठे विक्रम रचले आहेत. आतापर्यंत एकाही फलंदाजाला असा ़विक्रम रचता आलेला नाही.
गल्ली ते ग्लोबल सर्व गोष्टी जाणून घेण्यासाठी ई-चावडीच्या फेसबुक पेजला लाइक करा
पहिला विक्रम…
सूर्याने या सामन्यात शतक झळकावले. यापूर्वी सूर्याने आशिया चषक आणि टी-२० विश्वचषकात धडाकेबाज फटकेबाजी केली होती. त्यामुळे या वर्षात सूर्याने दमदार धावा वसूल केल्या आहेत. आतापर्यंत या वर्षातील ११ महिन्यांमध्ये सूर्याने १,१०० धावांचा टप्पा ओलांडला आहे. या सामन्यापूर्वी सूर्याच्या नावावर १०४० धावा होत्या. या सामन्यात सूर्याने १११ धावा केल्या, त्यामुळे सूर्याच्या नावावर आता १,१५१ धावा झाल्या आहेत आतापर्यंत एका वर्षात कोणत्याही भारतीय खेळाडूला एका वर्षात टी-२० क्रिकेटमध्ये १,१०० धावांचा पल्ला ओलांडता आला नव्हता. पण आता सूर्याने हा विक्रम रचला आहे आणि असा विक्रम रचणार तो पहिलाच भारताचा फलंदाज ठरला आहे. त्यामुळे आजच्या सामन्यात हा एक विक्रम सूर्याच्या नावावर झालेला आहे.
दुसरा विक्रम…
दुसऱ्या सामन्याचा हिरो ठरला तो सूर्यकुमार यादव. सूर्याने या सामन्यात फक्त शतक झळकावले नाही तर त्याने एक विक्रमही रचला. सूर्याने यावेळी भारताचा सिक्सर किंह युवराज सिंगचा विक्रमही मोडीत काढला आहे. आजच्या सामन्यात सूर्याने एकूण सात षटकार खेचले. या सात षटकारांसह त्याने युवीला मागे टाकले आहे. युवीने टी-२० क्रिकेटमध्ये ७४ षटकार लगावले होते. पण आज सूर्याने सात षटकार लगावले आणि त्याच्या नावावर एकूण ७९ षटकार झाले आहेत. त्यामुळे सिक्सर किंग युवराज सिंगचा विक्रमही आता सूर्याने मोडीत काढला आहे.
सूर्याची दुसऱ्या टी-२० सामन्यातील खेळी ही नजरेचे पारणे फेडणारी होती. सूर्याने १११ धावांची खेळी साकारली. यावेळी सूर्याने तब्बल सात षटकार लगावले, तर सूर्याने १७ चेंडूंमध्ये आपले दुसरे अर्धशतकही साजरे केले. पण सूर्याने यावेळी दोन मोठे विक्रम आपल्या नावावर केले आहेत. त्यामुळे आता पुढच्या सामन्यात सूर्या कशी फलंदाज करतो, याकडे सर्वांचे लक्ष लागलेले असेल.
