मेघालय : कोरोनाचा प्रादुर्भाव काही प्रमाणात कमी झाला असला तरी देशावरील कोरोनाचे संकट कधी कमी होईल हे सांगता येत नाही. कोरोना विषाणूची लागण ही फक्त सर्वसामान्य जनतेला होत नसून राजकारणी, कलाकार, खेळाडूंना देखील होत आहे. दरम्यान, मेघालयचे मुख्यमंत्री कोनराड संगमा यांना देखील कोरोनाची लागण झाली आहे. कोनराड संगमा यांनी आपल्याला कोरोना झाल्याची माहिती ट्विटरच्या माध्यमातून दिली आहे. शिवाय त्यांनी संपर्कात आलेल्या लोकांना स्वतःची कोरोना चाचणी करण्याचे आवाहन केलं आहे.
गल्ली ते ग्लोबल सर्व गोष्टी जाणून घेण्यासाठी ई-चावडीच्या फेसबुक पेजला लाइक करा
‘माझी कोरोना चाचणी पॉझिटिव्ह आली आहे. मी घरी आयसोलेशनमध्ये आहे. शिवाय मला सैम्य लक्षणं देखील जाणवत आहेत. त्यामुळे गेल्या ५ दिवसांत माझ्या संपर्कात आलेल्यांनी स्वतःची कोरोना चाचणी करावी. ‘ असे ट्वीट संगमा यांनी केले आहे.
I have tested positive for #Covid_19. I am under home isolation and experiencing mild symptoms. I request all those who came in contact with me in the past 5 days to kindly keep a watch on their health and if necessary get tested. Stay safe.
— Conrad K Sangma (@SangmaConrad) December 11, 2020
संपर्कात आलेल्यापैकी कोणी कोरोना पॉझिटीव्ह आढळल्यास त्यांनी आरोग्याची काळजी घ्यावी आणि घरात सुरक्षित राहवं असा सल्ला देखील त्यांनी दिला आहे. सध्या मेघालयमध्ये कोरोना रुग्णांची संख्या १२ हजार ५८६ वर पोहोचली असून १२३ जणांचा मृत्यू झाला आहे. तर ५८० रुग्ण कोरोनावर उपचार घेत आहेत.