हैदराबाद : शहरातील हुसेनसागर तलावाशेजारी असलेल्या एनटीआर गार्डनजवळील 10 एकर जागेवर भारतरत्न डॉ.बाबासाहेब आंबेडकर यांच्या १२५ फूट उंच पुतळ्याचे काम वेगाने सुरू आहे. पुढील वर्षी 14 एप्रिल रोजी आंबेडकरांच्या 132 व्या जयंतीदिनी मुख्यमंत्री केसीआर यांच्या हस्ते पुतळ्याचे उद्घाटन करण्याची तयारी तेलंगणा सरकार करत आहे.
गल्ली ते ग्लोबल सर्व गोष्टी जाणून घेण्यासाठी ई-चावडीच्या फेसबुक पेजला लाइक करा
देशातील सर्वात उंच मानल्या जाणाऱ्या या पुतळ्याचे काम फेब्रुवारी 2023 पर्यंत पूर्ण होईल. तसेच या १० एकर परिसरात लेझर शो व्यतिरिक्त पुतळ्याच्या पायथ्याशी संसदेसारखी रचना केली जात आहे. आंबेडकरांचे महानतेचे दर्शन घडविण्यासाठी आंबेडकरांचे फोटो गॅलरी आणि मिनी थिएटर उभारण्यात येत आहे.
सोमवारी अल्पसंख्याक कल्याण मंत्री कोप्पुला ईश्‍वर आणि राज्याचे रस्ते आणि इमारती मंत्री वेमुला प्रशांत रेड्डी यांनी सध्या सुरू असलेल्या बांधकामांची आणि वास्तुविशारदांच्या डिझाइनची तपासणी केली. या पुतळ्यामुळे राज्यातील पर्यटन क्षेत्राला चालना मिळणार असल्याचे त्यांनी पत्रकारांशी बोलताना सांगितले. “डॉ.आंबेडकर पुतळ्याच्या परिसरात उभारण्यात येत असलेल्या संग्रहालयात डॉ. आंबेडकरांच्या संसदेत केलेल्या भाषणांचा व्हिडिओ आणि त्यांच्या जीवनावर आधारित फीचर फिल्म सुद्धा लोकांना दाखवले जातील.
२०१६ मध्ये पायाभरणी
14 एप्रिल 2016 रोजी डॉ. आंबेडकर यांच्या 125 व्या जयंतीनिमित्त मुख्यमंत्री केसीआर यांच्या हस्ते पुतळा बसविण्याची पायाभरणी करण्यात आली होती. एससी कॉर्पोरेशनच्या वतीने रस्ते आणि इमारत विभाग सुमारे 150 कोटी रुपयांचा प्रकल्प राबवत आहे. हा पुतळा अंदाजे 45 फूट रुंद असेल, ज्यामध्ये नऊ टन वजनाचा कांस्य त्वचेचा लेप असेल. पुतळ्याची फ्रेम 155 टन स्टेनलेस स्टीलपासून बनवण्यात आली आहे.
