नवी दिल्ली : वाएसआर काँग्रेसच्या खासदाराला सीआयडीने अटक केली आहे. आंध्र प्रदेशचे खासदार कानुमारी रघुराम कृष्णम असे या या खासदाराचे नाव असून त्यांच्यावर राज्याच्या प्रतिष्ठेच्या विरोधात काम केल्याचा आरोप आहे. काही दिवसांपूर्वी भ्रष्टाचाराच्या प्रकरणात मुख्यमंत्री जगन मोहन रेड्डी यांचा जामीन रद्द करण्याची मागणी त्यांनी केली होती.
गल्ली ते ग्लोबल सर्व गोष्टी जाणून घेण्यासाठी ई-चावडीच्या फेसबुक पेजला लाइक करा
राजू हे आंध्र प्रदेशातील नरसपुरम लोकसभा मतदारसंघाचे सत्ताधारी वायएसआर कॉंग्रेसचे खासदार आहेत, परंतु ते बर्‍याच काळापासून बंडखोर वृत्तीचे अनुसरण करीत आहेत. दरम्यान, त्यांना आंध्र प्रदेश सीआयडीने हैद्राबाद येथील त्यांच्या राहत्या घरातून अटक केली. सीआयडीच्या अतिरिक्त महानिदेशकांच्या आदेशानुसार खासदारांविरोधात कलम -१२४ अ (देशद्रोह), १५३ अ (समाजात दुर्भावना निर्माण करणे) ५०५ (तणाव निर्माण करणे) १२० ब (षड्यंत्र) अंतर्गत गुन्हा दाखल करण्यात आला आहे.
काही दिवसांपूर्वी राजू यांनी सीबीआय स्पेशल कोर्टाला अधीक मालमत्ता प्रकरणात मुख्यमंत्री जगन मोहन रेड्डी यांचा जामीन रद्द करण्याची मागणी केली होती. दरम्यान, आयपीसी अंतर्गत ज्या कलमांखाली राजूला अटक करण्यात आली आहे, त्यात राज्य सरकारची प्रतिष्ठा डागाळण्याचा प्रयत्न केल्याचे बोलले जात आहे. अधिकाऱ्यांच्या माहितीनुसार, सीआयडीचे अतिरिक्त महासंचालक पी. व्ही. सुनील कुमार यांच्या आदेशानुसार प्राथमिक चौकशी करण्यात आली. राजू आपल्या भाषणांद्वारे नियमितपणे समाजात तणाव निर्माण करणे आणि विविध सरकारी व्यक्तिमत्त्वांवर हल्ला करत होते. जेणेकरुन लोकांचा सरकारवरील विश्वास कमी होईल.
