मुंबई : देशात बर्ड फ्लूचा प्रादुर्भाव वाढला आहे. उत्तर प्रदेशात बर्ड फ्लू किंवा एव्हीयन इन्फ्लूएन्झाचा प्रादुर्भाव झाल्याने बाधित राज्यांची संख्या ६वर पोहोचली असल्याचे केंद्र सरकारचे म्हणणे आहे. उत्तरप्रदेश व्यतिरिक्त बर्ड फ्लूची इतर राज्यांमध्येही नोंद झाली आहे.
गल्ली ते ग्लोबल सर्व गोष्टी जाणून घेण्यासाठी ई-चावडीच्या फेसबुक पेजला लाइक करा
आतापर्यंत देशात १२०० पक्षांचा मृत्यू झाला आहे. दिल्ली, चंदीगड आणि महाराष्ट्रात बर्ड फ्लूची पुष्टी झालेली नाही, असे केंद्राने म्हटले आहे. या ठिकाणाहून घेतलेले नमुने तपासणीसाठी पाठविण्यात आले आहेत. दुकानातून कोंबडी विकत घेतल्यानंतर हात आणि तोंडावर मास्क घाला. कच्चे मांस किंवा अंडी देखील माणसाला संक्रमित करतात. दूषित ठिकाणी आपण व्हायरसच्या संपर्कात येऊ शकता. म्हणून कुक्कुटपालनाच्या ठिकाणी किंवा दुकानावर कुठल्याही गोष्टीला किंवा जागेला स्पर्श करणे टाळा. काहीही स्पर्श केल्यावर लगेचच हात स्वच्छ करा.
मत्स्यव्यवसाय, पशुसंवर्धन आणि दुग्ध मंत्रालयाने एका निवेदनात म्हटले आहे की आतापर्यंत ६ राज्यात या आजाराची खात्री झाली आहे. या रोगाचा आणखी प्रसार होऊ नये म्हणून विभागाने बाधित राज्यांसोबत सल्लामसलत जारी केली आहे.
कोणकोणत्या राज्यात बर्ड फ्लू
१) केरळ
२) राजस्थान
३) मध्य प्रदेश
४) हिमाचल प्रदेश
५) हरियाणा
6) गुजरात
कशी घ्याल काळजी?
१) सुमारे 100 डिग्री सेल्सिअस तापमानावर कोंबडी शिजवा.
२) कच्चे मांस किंवा अंडी खाण्याची चूक करू नका.
३) कच्चे मांस किंवा अंडी इतर खाद्यपदार्थापासून वेगळी ठेवावीत.
४) पोल्ट्री फार्ममध्ये काम करणाऱ्यांपासून अंतर राखा
५) घरात संक्रमित व्यक्तीपासून काही अंतर ठेवा.
६) ओपन एअर मार्केटमध्ये जाण्यापासून टाळा आणि स्वच्छता-हँडवॉश यासारख्या गोष्टींची विशेष काळजी घ्या.
७) अर्धवट शिजलेले चिकन किंवा अंडी खाणे टाळा
८) कोंबडीचे दुकान किंवा कोंबडीच्या फार्मवर कोंबडीचे मांस खरेदी करताना अशक्त आणि आजारी कोंबड्या खरेदी करु नका.
बर्ड फ्लूची लक्षणे
बर्ड फ्लूची लक्षणे सामान्यत: उद्भवणार्‍या फ्लूसारखीच असतात. जर आपणास एच 5 एन 1 संसर्गाची शक्यता असेल तर आपल्याला खोकला, अतिसार, श्वसन समस्या, ताप, डोकेदुखी, स्नायू दुखणे, अस्वस्थता, नाक वाहणे किंवा घसा खवखवणे अशी लक्षणं दिसतील.
