नवी दिल्ली : कोरोनाच्या दुसऱ्या लाटेच्या प्रादुर्भाव कमी होत असतानाच WHOने आणखी एक दिलासादायक बातमी दिली आहे. भारतात सर्वात आधी आढळून आलेल्या कोरोना व्हेरियंट म्हणजेच डेल्टा व्हेरियंटचा केवळ एक स्ट्रेन चिंतेचा विषय असल्याचं म्हटलं आहे. इतर दोन स्ट्रेन अधिक घातक नसल्याचं संघटनेनं सांगितलं आहे.
गल्ली ते ग्लोबल सर्व गोष्टी जाणून घेण्यासाठी ई-चावडीच्या फेसबुक पेजला लाइक करा
कोरोनाच्या या व्हेरियंटला B.1.617 या नावानं ओळखलं जातं. याच व्हेरियंटमुळे भारतात कोरोनाच्या दुसऱ्या लाटेचा प्रसार इतका भयंकर झाल्याचं पाहायला मिळालं. हा ट्रिपल म्यूटेंट व्हेरियंट आहे, कारण याच्या तीन प्रजाती आहेत. WHOनं कोरोनाचा हा व्हेरियंट ‘व्हेरिएंट ऑफ कंसर्न’ म्हणजेच चिंता वाढवणारा व्हेरियंट असल्याचं म्हटलं होतं. यावर भारत सरकारनं आक्षेप घेतला होता. मात्र, आरोग्य संघटनेनं मंगळवारी असं म्हटलं, की आता B.1.617 व्हेरियंटमधील केवळ एकच प्रजाती चिंतेचा विषय आहे. संघटनेच्या मते, B.1.617.2 व्हेरियंटचा धोका कायम आहे, तर इतर दोन व्हेरियंटचा धोका कमी झाला आहे.
कोरोनाचा B.1.617.2 व्हेरियंट अजूनही चिंतेचा विषय आहे. याशिवाय विषाणूचे इतर तीन व्हेरियंटही मूळ संक्रमणाच्या तुलनेत अधिक घातक मानले जात आहेत. कारण ते अधिक वेगानं पसरणारे आणि घातक आहेत. याआधीच जागतिक आरोग्य संघटनेनं भारतात पहिल्यांदा आढळलेल्या बी.1.617.1 आणि बी.1.617.2 ला क्रमशः ‘कप्पा’ आणि ‘डेल्टा’ अशी नावं दिली आहेत. तीन आठवड्यांआधी काही माध्यमांनी बी.1.617 या कोरोना व्हेरियंटला भारतीय व्हेरियंट असं म्हटलं होतं. यावर भारत सरकारनं आक्षेप घेतला होता. याच पार्श्वभूमीर जागतिक आरोग्य संघटनेनं व्हेरियंटला देशाच्या नावानं न संबोधता संघटनेकडून दिलेल्या नावांनुसार त्याचा उच्चार करण्यास सांगितलं.
