देशात पडून आहेत हजारो कोटी रुपये; वारसदारच नाही

मुंबई : देशात हजारो कोटी रुपये पडून असल्याची माहिती ईपीएफओकडून नुकतीच देण्यात आली आहे. पीएफ खात्यात सुमारे 26 हजार 497 कोटी रुपये जमा आहेत. ज्याचे कोणीही वारसदार किंवा दावेदार नाहीत आणि ही रक्कम हळूहळू वाढत आहे. त्याचप्रमाणे बँकेत अनेक मुदत ठेवी आहेत, ज्यांचे दावेदार मुदतपूर्तीनंतरही आलेले नाहीत. अशाप्रकारे, एकूण 80 हजार कोटी रुपयांहून अधिक रक्कम पडून आहे.

आता झीरोधा या ब्रोकिंग फर्मचे सहसंस्थापक नितीन कामत यांनी या समस्येवर उपाय सांगितला आहे. त्यांचे म्हणणे आहे की अनेक लोकांनी नॉमिनी दिला नसल्याने बँक, डिमॅट आणि इतर खात्यांमध्ये 80 हजार कोटींपेक्षा जास्त रक्कम पडून आहे. ही समस्या पाहता, झिरोधा एक अलर्ट फीचर सुरू केले आहे, जे डिमॅट खाते सक्रिय नसल्यास नामांकित व्यक्तीला कळवेल. कामत यांनी आशा व्यक्त केली आहे की लवकरच बँका आणि इतर ऑनलाईन ब्रोकरेज कंपन्या देखील हे फीचर स्वीकारतील. जेणेकरून वारस नसलेल्या रकमेला वारसदार मिळेल.

वास्तविक, झेरोधाने आपल्या ग्राहकांना एक विशेष सुविधा दिली आहे की ज्या अंतर्गत खातेधारक त्यांच्या खात्यात ऑनलाईन वारसदार जोडू किंवा बदलू शकतात. एवढेच नाही तर जर एक वर्षापर्यंत व्यवहार न झाल्यामुळे डिमॅट खाते सक्रिय नसेल तर त्याची माहिती नामनिर्देशित व्यक्तीला एसएमएस किंवा ईमेल द्वारे दिली जाईल. हे लक्षात घेण्यासारखे आहे की देशात ईपीएफओ​कडे सुमारे 26 हजार 497 कोटी रुपये, सर्व बँक खात्यांमध्ये 18 हजार 381 कोटी रुपये, म्युच्युअल फंडांमध्ये 17 हजार 880 कोटी रुपये आणि विमा कंपन्यांकडे 15 हजार 167 कोटी रुपये पडून आहेत. फिक्स मुदत ठेवींमध्ये 4 हजार 820 कोटी रुपयांच्या अघोषित ठेवी जमा आहेत.