मुंबई : शिवसेना खासदार संजय राऊत यांच्यावर ईडीनं कारवाई केली आहे. कथित पत्राचाळ जमीन घोटाळा प्रकरणी ईडीकडून आज सकाळपासून संजय राऊत यांची चौकशी करण्यात आली. ईडीच्या कार्यालयाबाहेर संजय राऊत यांनी प्रसारमाध्यमांशी संवाद साधला यावेळी त्यांनी जे काही आरोप करण्यात येत आहेत ते फक्त शिवसेनेला आणि महाराष्ट्राला कमजोर करण्यासाठी करण्यात येत आहेत. हे सगळं दमनचक्र सुरु आहे, असा आरोप केला आहे. मी बाळासाहेब ठाकरेंचा आणि उद्धव ठाकरेंचा शिवसैनिक आहे. मी लढणार, आम्ही लढू, महाराष्ट्र इतका कमजोर नाही, शिवसेना कमजोर नाही, असं संजय राऊत म्हणाले. शिंदे गटात सामील झालेल्या संजय शिरसाट यांच्या टीकेवर संजय राऊत यांनी उत्तर दिलं. महाराष्ट्र कमजोर होतोय पेढे वाटा, अशा शब्दात संजय राऊत यांनी शिंदे गटाला फटकारलं आहे.
गल्ली ते ग्लोबल सर्व गोष्टी जाणून घेण्यासाठी ई-चावडीच्या फेसबुक पेजला लाइक करा
संजय राऊत झुकणार नाही
खरी शिवसेना काय आहे ते पाहता आहेत. माझ्या विरोधात खोटे कागदपत्रं, खोटे पुरावे लोकांना मारपीट करुन तयार करण्यात येत आहेत. महाराष्ट्राला कमजोर करण्यासाठी, शिवसेनेला कमजोर करण्यासाठी करण्यात येत आहे. महाराष्ट्र कमजोर होणार नाही, शिवसेना कमजोर नाही, संजय राऊत झुकणार नाही. महाराष्ट्र कमजोर होतोय, पेढे वाटा, महाराष्ट्रावर हल्ले करण्यात येत आहेत, पेढे वाटा, बेशरम लोक आहात तुम्ही पेढे वाटा, अशा शब्दात संजय राऊत यांनी फटकारलं आहे .
अटक व्हायला चाललोय
सर्वांना माहिती आहे, माझ्या विरोधात चुकीचा गुन्हा लावण्यात आला आहे. ईडी मला अटक करणार आहे आणि मी अटक व्हायला जाणार आहे, असं संजय राऊत यांनी म्हटलं आहे.
