गुवाहाटी: ‘किलर मिलर’ म्हणून ओळखला जाणारा दक्षिण आफ्रिकेचा फलंदाज डेव्हिड मिलरने रविवारी शानदार शतक झळकावले, तरीही तो आपल्या संघाला विजयापर्यंत नेऊ शकला नाही. मात्र भारताविरुद्धच्या मालिकेतील पराभवामुळे आपला संघ टी-२० विश्वचषकापूर्वी कमकुवत होणार नाही, असा त्याला विश्वास आहे. त्याने गेल्या वेळी ऑस्ट्रेलियाच्या विजेतेपदाचा दाखला दिला, जो या मोठ्या स्पर्धेपूर्वी सातत्याने चांगली कामगिरी करण्यासाठी संघर्ष करत होता.
गल्ली ते ग्लोबल सर्व गोष्टी जाणून घेण्यासाठी ई-चावडीच्या फेसबुक पेजला लाइक करा
दक्षिण आफ्रिकेच्या आघाडीच्या फळीतील फलंदाज खूप झुंज देत आहेत, तर रविवारी झालेल्या दुसऱ्या टी-२० सामन्यात त्यांचे गोलंदाजही लयीत दिसले नाहीत. त्यामुळे भारताने येथे १६ धावांनी विजय मिळवत मालिकेत २-० अशी विजयी आघाडी घेतली.
मिलरने सांगितले की, या पराभवामुळे त्याला जास्त त्रास होणार नाही कारण २०२१ मध्ये ऑस्ट्रेलियानेही खूप संघर्ष केला होता, परंतु अखेरीस ते जगज्जेते झाले. ऑस्ट्रेलियाच्या संघाने टी-२० फॉरमॅटमध्ये सलग पाच मालिका गमावून वर्ल्ड कपमध्ये प्रवेश केला होता. सामन्यानंतर मिलर म्हणाला, ‘पूर्वीची अनेक उदाहरणे आहेत, त्यापैकी एक ऑस्ट्रेलियाचे आहे की विश्वचषकापूर्वी त्यांची कामगिरी फारशी चांगली नव्हती आणि त्यानंतर ते विश्वविजेते बनू शकले. त्यामुळे याबाबत फारशी काळजी करण्याची गरज आहे, असे मला वाटत नाही.
“गेल्या दीड वर्षात आम्ही खूप चांगली टीम तयार केली आहे. एकत्र आम्ही खूप चांगले खेळतो. आम्ही चांगली भागीदारी करु शकतो, आम्ही गेल्या वर्षी अनेक मालिका जिंकल्या आहेत.’ मालिका गमावणे निश्चितच निराशाजनक होते, परंतु यापूर्वी आम्ही खरोखरच चांगली स्पर्धा केली आहे परंतु तरीही मालिका गमावणे निराशाजनक आहे.
टेम्बा बावुमाच्या नेतृत्वाखालील संघाला २३८ धावांचे तगडे लक्ष्य देण्यात आले होते, परंतु कर्णधार सलग दुसऱ्या सामन्यात खाते उघडण्यात अपयशी ठरला, तर रिले रुसो देखील शून्यावर बाद झाला. मात्र, मिलरने ४७ चेंडूत नाबाद १०६ धावांची उत्कृष्ट खेळी खेळली आणि क्विंटन डी कॉक (४८ चेंडूत नाबाद ६९) याच्यासोबत चौथ्या विकेटसाठी १७४ धावांची भागीदारी करून सामना विजयाच्या जवळ आणला.
मिलर म्हणाला, ‘गेल्या सामन्यात आम्ही चांगली फलंदाजी केली नाही. या सामन्यातही आमची सुरुवात चांगली झाली नाही, परंतु आम्ही खूप चांगली भागीदारी रचण्यात यशस्वी झालो आणि शेवटी सामना खूप स्पर्धात्मक ठरला.’
‘आम्ही अजून सुधार करू शकतो, आमच्याकडे अजून वेळ आहे’
मिलर म्हणाला, ‘गेल्या सामन्यात त्यांनी खरोखरच चांगली कामगिरी केली. विश्वचषकापूर्वी आम्ही अजूनही काही विभागांमध्ये सुधारणा करू शकतो, आमच्याकडे अद्याप वेळ आहे.’ सामन्यामध्ये दोनदा खंड पडला – प्रथम जेव्हा साप मैदानात घुसला आणि नंतर दक्षिण आफ्रिकेच्या डावात फ्लडलाइट गेला. पण मिलरने सांगितले की यामुळे त्याला चांगला ब्रेक मिळाला.
“या गोष्टी आमच्या नियंत्रणाबाहेर आहेत आणि पॉवर प्लेमध्ये खरोखर काय घडले ते पाहण्यासाठी आम्हाला वेळ मिळाला,” तो म्हणाला. यामुळे आम्हाला बोलायला थोडा वेळ मिळाला आणि मग तिथे सापही होता. म्हणजे आज खूप काही चालू होतं.”
