नवी दिल्ली : भारतीय महिला हॉकी संघाला अर्जेटिना हॉकी दौऱ्यातील सलग दुसऱ्या पराभवाला सामोरे जावे लागले. भारताला अर्जेटिनाच्या ब संघाने २-३ असे पराभूत केले आहे.
गल्ली ते ग्लोबल सर्व गोष्टी जाणून घेण्यासाठी ई-चावडीच्या फेसबुक पेजला लाइक करा
सलिमा टेटे (सहाव्या मिनिटाला) आणि गुरजित कौर (४२व्या मिनिटाला) यांनी भारतासाठी गोल केले तर यजमानांकडून सोल पागेला, काँस्टंझा सेरूनडोलो आणि ऑगस्टिना गोझ्रेलॅनी यांनी गोल करत विजय मिळवून दिला.
भारताच्या कनिष्ठ महिला हॉकी संघाने सहाव्या आणि अंतिम सामन्यात चिलीवर २-१ अशी मात केली. त्यामुळे चिली हॉकी दौऱ्यात भारतीय संघाने अपराजित राहण्याची किमया केली. आघाडीवीर ब्यूटी डंगडंग हिच्या दोन गोलमुळे (सहाव्या आणि २६व्या मिनिटाला) भारताने चिलीवर विजय मिळवला. या सामन्यात यजमानांकडून फ्रान्सिस्का ताला (४०व्या मिनिटाला) हिने एकमेव गोल केला.
