चेन्नई : आयपीएल २०२१च्या हंगामासाठी झालेल्या लिलावात केदार जाधव आणि हरभजन सिंह यांच्यावर कोणीही बोली लावली नाही. आयपीएलच्या लिलावात यंदा भारताचा अनुभवी फलंदाज चेतेश्वर पुजारा यानेही आपलं नाव नोंदवलं होतं. चेतेश्वर पुजाराला घेण्याची हिंमत कोणताही संघ करणार का? अशी चर्चा लिलावापूर्वी सुरु होती. मात्र, धोनीच्या चेन्नई संघानं चेतेश्वर पुजाराला आपल्या गोठात सामिल करुन घेतलं आहे.
गल्ली ते ग्लोबल सर्व गोष्टी जाणून घेण्यासाठी ई-चावडीच्या फेसबुक पेजला लाइक करा
अनुभवी चेतेश्वर पुजाराला त्याच्या मूळ किंमतीमध्ये म्हणजेच ५० लाख रुपयांत चेन्नईनं आपल्या गोठात घेतलं आहे. लिलावापूर्वी सोशल मीडियावर पुजाराला चेन्नई संघ घेण्यास इच्छुक असल्याची चर्चा होती. अखेर चेन्नईनं अनुभवी पुजाराला संघात स्थान दिलं आहे. कसोटी स्पेशालिस्ट चेतेश्वर पुजाराला तीन वेळच्या आयपीएल विजेत्या चेन्नई संघानं खरेदी केल्यानंतर लिलावाच्या ठिकाणी उपस्थित असणाऱ्यांनी टाळ्या वाजवून स्वागत केलं.
A round of applause 👏🏻 at the @Vivo_India #IPLAuction as @cheteshwar1 is SOLD to @ChennaiIPL. pic.twitter.com/EmdHxdqdTJ
— IndianPremierLeague (@IPL) February 18, 2021
आयपीएलच्या अधिकृत अकाऊंटवरून हा व्हिडिओ शेअर करण्यात आला आहे. होस्ट ह्यूज एडमिड्स यानं पुजाराला Sold म्हटल्याचं दिसत आहे. त्यानंतर उपस्थितांनी टाळ्या वाजवल्याचेही दिसत आहे. याशिवाय रोवमॅन पोवेल, शॉन मार्श, कोरी अँडरसन, डॅरेन ब्राव्हो यांच्यावर कोणीही बोली लावली नाही. तसेच रेसी वान डेर डुसेन आणि मार्टिन गुप्टिल यांच्याशिवाय पवन नेगीही अनसोल्ड राहिला आहे.
