राम सेतूमध्ये अक्षयसोबत दिसणार आणखी या दोन अभिनेत्री?
मनोरंजन

राम सेतूमध्ये अक्षयसोबत दिसणार आणखी या दोन अभिनेत्री?

मुंबई : अभिनेता अक्षय कुमार राम सेतू चित्रपटाच्या माध्यमातून लवकरच प्रेक्षकांच्या भेटीस येत आहे. अलिकडेच या चित्रपटाचे पहिले पोस्टर प्रदर्शित झाले. हे पोस्टर पाहून प्रेक्षकांच्या मनात या चित्रपटाबाबत प्रचंड उत्सुकता निर्माण झाली आहे. आता या चित्रपटात आणखी दोन अभिनेत्री दिसणार असल्याच्या चर्चा रंगल्या आहेत.

गल्ली ते ग्लोबल सर्व गोष्टी जाणून घेण्यासाठी ई-चावडीच्या फेसबुक पेजला लाइक करा

अक्षय कुमारने त्याच्या इन्स्टाग्राम अकाऊंटवर एक फोटो शेअर केला आहे. या फोटोमध्ये त्याच्यासोबत अभिनेत्री जॅकलिन फर्नांडिस आणि नुसरत भरुचा दिसत आहेत. हा फोटो पाहून नुसरत आणि जॅकलिन अक्षयसोबत त्याचा आगामी चित्रपट राम सेतूमध्ये दिसणार असल्याच्या चर्चा रंगल्या आहेत. हा फोटो शेअर करत अक्षयने दिलेल्या कॅप्शनने सर्वांचे लक्ष वेधून घेतले आहे. ज्या चित्रपटाची टीम ही नेहमी एकत्र असते ती टीम चांगली काम करते. राम सेतू चित्रपटाच्या कथेचे वाचन… आता या चित्रपटाचे चित्रीकरणासाठी मी उत्सुक आहे या आशयाचे कॅप्शन दिले आहे.

लवकरच अक्षय कुमारचा बेलबॉटम हा चित्रपट प्रदर्शित होणार आहे. या चित्रपटात अक्षयसोबत वाणी कपूर, लारा दत्ता, हुमा कुरैशी आणि आणखी काही बॉलिवूड कलाकार दिसणार आहेत. याशिवाय अक्षयचा अतरंगी रे आणि सूर्यवंशी हा चित्रपट देखील प्रदर्शित होणार आहे.