मुंबई : अभिनयाच्या बाबतीत अभिनेता सोनू सूदने मोठा निर्णय घेतला आहे. यापुढे तो खलनायकाची भूमिका साकारणार नसल्याचे त्याने जाहीर केले आहे. कोरोना आणि लॉकडाऊनच्या काळात सोनूने गरीबांसाठी मदतीचा हात पुढे केला होता. याचा प्रभाव सोनूच्या वैयक्तिक आयुष्यावर देखील पडला आहे. त्याला बहुतांश चित्रपटांमध्ये खलनायकांचेच रोल साकारण्याची विनंती केली जात होती. मात्र या सर्व चित्रपटांना त्याने नकार दिला आहे.
गल्ली ते ग्लोबल सर्व गोष्टी जाणून घेण्यासाठी ई-चावडीच्या फेसबुक पेजला लाइक करा
सोनू सूद गरजवंताच्या रोजगारासाठीही प्रयत्न करत आहे. त्यांच्या आयुष्यात येणाऱ्या संकटांचा त्याने फार जवळून अनुभव घेतला. या अनुभवामुळे लोकांना त्रास देणाऱ्या प्रवृत्तींबाबत त्याच्या मनात घृणा निर्माण झाली आहे. परिणामी यापुढे केवळ नायकांच्याच भूमिका साकारण्याचा निर्णय त्याने घेतला असल्याचे म्हटले आहे.
लॉकडाउनच्या काळात अभिनेता सोनू सूदनं अनके गरजवंतांची भेट घेतली.सोनू सूदने लॉकडाउनच्या काळात विविध ठिकाणी अडकलेल्या देशभरातील शेकडो मजुरांना आणि विद्यार्थ्यांना बस आणि ट्रेनच्या माध्यमातून त्यांच्या गावी पोहोचवलं आहे.
