अनिल कपूर यांचे निधन; अनेकांकडून श्रद्धांजली

मुंबई : बडे अच्छे लगते हैं मालिकेतील अभिनेता राम कपूरचे वडील अनिल कपूर यांचे वयाच्या ७३व्या वर्षी निधन झाले आहे. राम कपूर यांनी सोशल मीडिया पोस्टद्वारे वडिलांच्या निधनाची माहिती दिली आहे. त्याच्या या पोस्टवर अनेकांनी कमेंट करत श्रद्धांजली वाहिली आहे.

राम कपूरने त्याच्या इन्स्टाग्राम अकाऊंटवर वडिलांचा फोटो शेअर केला आहे. या फोटोवर तुम्ही कायमच कुटुंबाचा एक भाग राहणार आहात. अनिल कपूर (१९४७-२०२१) असे लिहिले आहे. तसेच राम कपूरने अमूलने माझ्या वडिलांना श्रद्धांजली वाहिली आहे. मला तुमची खूप आठवण येईल या आशयाचे कॅप्शन दिले असून अमूलने श्रद्धांजली वाहिल्याचा फोटोही शेअर केला आहे.

राम कपूरच्या पोस्टवर अनेक कलाकरांनी कमेंट करत श्रद्धांजली वाहिली आहे. तसेच राम कपूरची पत्नी गौतमी कपूरने देखील सोशल मीडियावर पोस्ट केली आहे. ही भावूक पोस्ट शेअर करत तिने सासरे अनिल कपूर यांनी त्यांचा बिझनेस कसा उभा केला याबाबद्दल सांगितले आहे. राम कपूरचे वडील अनिल कपूर हे इंडस्ट्रीमध्ये बिली या नावाने ओळखले जायचे. ते FCB ULKA जाहिरात कंपनीचे सीईओ होते. अमूल या कंपनीचे एक क्लायंट होते. अमूलची टॅग लाईन अमूल द टेस्ट ऑफ इंडिया ही देखील अनिल कपूर यांनीच दिली होती.