मुंबई : प्रेक्षकांना बिग बाॅस शो नेहमीच आवडतो. बिग बाॅसच्या घरात काय सुरू आहे, यावर सगळ्यांचंच लक्ष असतं. सलमान खानच्या या बहुचर्चित शोचा हा १६वा सीझन. शोची लोकप्रियता जराही कमी झालेली नाही.
गल्ली ते ग्लोबल सर्व गोष्टी जाणून घेण्यासाठी ई-चावडीच्या फेसबुक पेजला लाइक करा
बिग बाॅस १६ पुढे ढकलणार का?
सध्या कलर्सवर खतरों के खिलाडी १२ सुरू आहे. त्यानंतर झलक दिखला जा १० सुरू होणार आहे. आता हे दोन मोठे शो लागोपाठ असताना बिग बाॅस १६ नक्की पुढे ढकलला जाईल, अशी चर्चा होती. हा शो नोव्हेंबरमध्ये दाखवला जाईल, असंही सांगितलं गेलं. पण या अफवांना आता पूर्णविराम मिळाला आहे.
बिग बाॅसच्या फॅन क्लब पेजवर सांगितलंय की हा शो पोस्टपोन होणार नाही. बिग बाॅस १६ हा शो ऑगस्ट महिन्यातच सुरू होणार आहे. Voot Select वर हा शो दाखवला जाईल. बिग बाॅसचा नवा सीझन वेळेवरच सुरू होणार, असं सांगितलं आहे.
बिग बाॅस १६ शोमध्ये कोण असणार?
बिग बाॅस ओटीटीमध्ये कोण असणार, याबद्दल बरीच नावं समोर आली आहेत. त्यात फैसल शेख, आजमा, पूनम पांडे, मुनव्वर फारूकी, आरुषी दत्ता हे असतील. शिवाय दिव्यांका त्रिपाठी, सनाया ईरानी, अर्जुन बिजलानी, टीना दत्ता आणि शिवांगी जोशी यांचीही नावं आहेत. मोठे टीव्ही सेलेब्ज घेण्याचं प्लॅनिंग सुरू आहे.
बिग बॉस १६ कार्यक्रमाचं सूत्रसंचालन सलमान खान हाच करणार आहे. परंतु ओटीटीवरील कार्यक्रमाच्या सूत्रसंचलनाची धुरा कोण करणार याबाबत सस्पेन्स कायम आहे. बिग बॉस ओटीटीच्या दुसऱ्या पर्वाचं सूत्रसंचालन कोण करणार याची उत्सुकता सर्वांना आहे. बिग बॉस ओटीटीच्या दुसऱ्या भागाचं सूत्रसंचालन न करण्याचा निर्णय करण जोहरनं जाहीर केला आहे. त्यामुळे आता या कार्यक्रमाचं सूत्रसंचालन कोण करणार याची उत्सुकता सर्वांना लागली आहे.
ही उत्सुकता शिगेला पोहोचली असताना या अभिनेत्याच्या नावाची जोरदार चर्चा सुरू आहे. हा अभिनेता म्हणजे रणवीर सिंह आहे. रणबीरबरोबरच हिना खान, फराह खान, करण कुंद्रा-तेजस्वी प्रकाश यांच्या नावाची चर्चा आहे.आधी बिग बॉस ओटीटी २ सुरू होणार तर त्यानंतर बिग बॉस १६ सुरू होणार आहे.