जम्मूः कोरोना संकटामुळे सलग दुसऱ्या वर्षी अमरनाथ यात्रा रद्द करण्यात आली आहे. श्री अमरनाथ बोर्डाचे चेअरमन आणि जम्मू-काश्मीरचे नायब राज्यपाल मनोज सिन्हा यात्रेसंदर्भात बोर्डाच्या सदस्यांशी सखोल चर्चा केली. यानंतर त्यांनी अमरनाथ यात्रा रद्द करण्याचा निर्णय घेतला. स्वामी अवधेशानंद, डी. सी. रैना, देवी प्रसाद शेट्टी, प्रा. अनिता बिलोरिया, सुदर्शन कुमार, प्रा. विश्वमूर्ती शास्त्री, पंडित भजन सोपोरी, डॉ. सी. एम. सेठ, त्रिपता धवन हे अमरनाथ बोर्डाचे सदस्य आहेत. या सदस्यांसोबत नायब राज्यपाल मनोज सिन्हा यांनी सल्लामसलत केली. यासबोतच सिन्हा यांनी मुख्य सचिव अरुण मेहता, पोलीस महासंचालक दिलबाग सिंह, गृह विभागाचे मुख्य सचिव शालीन काबरा आणि बोर्डाचे मुख्य कार्यकारी अधिकारी नितीश्वर कुमार यांच्यासोबतही चर्चा केली.
गल्ली ते ग्लोबल सर्व गोष्टी जाणून घेण्यासाठी ई-चावडीच्या फेसबुक पेजला लाइक करा
ऑनलाइनच्या माध्यमातून शिवभक्तांना आमरनाथ बाबांचे सकाळी आणि संध्याकाळी आरती आणि दर्शन घेता येईल. नेहमी प्रमाणे धार्मिक पूजा आणि आरती केली जाईल. तसंच अमरनाथ यात्रा ही फक्त सांकेतिक असेल. गुफेतून अमरनाथ बाबांच्या आरतीचे थेट प्रक्षेपण केले जाईल. नागरिकांचा जीव वाचवणं गरजेचं आहे. जनहित पाहता यंदाही अमरनाथ यात्रा होणार नाही. अमरनाथ बोर्ड लाखो शिवभक्तांचा भावना जाणतं. यामुळे आरतीच्या थेट प्रक्षेपणाची व्यवस्था केली जाईल, असं बैठकीत स्पष्ट करण्यात आलं.
पूजेवेळी करोनासंबंधी दिलेल्या मार्गदर्शक सूचनांचे पालन केली जाईल. परंपरेनुसार गुफेत पोहोचणाऱ्या संतांच्या हस्ते आरती केली जाते. यावेळी करोनासंबंधी दिलेल्या मार्गदर्शक सूचनांचे पालन केले जाईल, असं नायब राज्यपाल मनोज सिन्हा यांनी सांगितलं. २२ ऑगस्टला रक्षाबंधनाच्या दिवशी यात्रा समाप्तीवेळी छडी मुबारकसाठी व्यवस्था केली जाईल. बैठकीत बोर्डाने जम्मू-काश्मीरमधील करोनाच्या स्थितीचा आढावा घेतला. कोरोनाचा संसर्ग रोखण्याचा आणि आरोग्य यंत्रणा बळकट करण्याचा बोर्डाचा प्रयत्न आहे. यामुळे सकाळी ६ वाजेपासून आणि संध्याकाळी ५ वाजेपासून आर्धातास आरतीचे थेट प्रक्षेपण वेबसाइटवर केले जाईल. बोर्डाच्या मोबाइल अॅपवरूनही आरतीचे थेट दर्शन घेता येईल, असं बोर्डाचे मुख्य कार्यकारी अधिकारी नितीश्वर कुमार यांनी सांगितलं.
