मॉस्को: रशियातील शास्त्रज्ञांनी ४८५०० वर्षांपूर्वीच झोम्बी व्हायरस पुन्हा जिवंत केल्याची माहिती नुकतीच समोर आली होती. रशियातील एका गोठलेल्या तलावात हा व्हायरस गाडण्यात आला होता. हा भयानक व्हायरस रशियातील तलावात हजारो वर्षांपूर्वी दबला गेला होता. हा संपूर्ण परिसर बर्फाच्छादित असल्यामुळे या व्हायरसपासून कोणताही धोका नव्हता. मात्र, अलीकडच्या काळात ग्लोबल वॉर्मिंगमुळे या परिसरातील बर्फ वितळू लागल्याने हा व्हायरस पुन्हा बाहेरच्या जगात पसरण्याचा धोका निर्माण झाला आहे.
गल्ली ते ग्लोबल सर्व गोष्टी जाणून घेण्यासाठी ई-चावडीच्या फेसबुक पेजला लाइक करा
या सगळ्यानंतर आता बाबा वेंगाने याबाबत भविष्यवाणी करुन ठेवल्याची माहिती समोर आली आहे. २०२२ मध्ये गोठलेल्या स्वरुपातील व्हायरस पुन्हा सापडेल, असे बाबा वेंगाने म्हटले होते. सध्या रशियातील शास्त्रज्ञांची एक तुकडी या प्राणघातक झोम्बी व्हायरसचा अभ्यास करत आहे. वातावरणीय बदलांमुळे या भागातील बर्फ वितळत गेल्यास हा झोम्बी व्हायरस पुन्हा मूळ अवस्थेत येऊ शकतो. त्यानंतर हवेतून झोम्बी व्हायरसचा अन्य भागांमध्ये प्रसार झाल्यास हा जगासाठी मोठा धोका ठरु शकतो.
रशियातील याकुतिया या भागात हा झोम्बी व्हायरस सापडला आहे. याकुतिया हा परिसर जगातील सर्वात थंड प्रदेशातील मानवी अधिवासांपैकी एक आहे. येथील युकेची अलास परिसरातील तळाशी झोम्बी व्हायरस सापडल्याचे वृत्त आहे. या तलावातील मॅमोथ हत्तीच्या अंगावरील फर आणि सायबेरियन लांडग्यांच्या आतड्यांमध्ये झोम्बी व्हायरसचे अंश आढळून आले आहेत. यापूर्वी सायबेरिया परिसरात रशियन शास्त्रज्ञांनी २०१३ मध्ये ३० हजार वर्षांपूर्वीचा व्हायरस सापडला होता.
झोम्बी व्हायरस जिवंत झाला तर काय होईल?
शास्त्रज्ञांच्या माहितीनुसार, सर्व प्रकारच्या झोम्बी व्हायसर हे संसर्गजन्य आहेत. त्यामुळे या व्हायरसचा प्रसार झाल्यास त्यामुळे पृथ्वीवरील सर्व सजीवांना मोठा धोका निर्माण होऊ शकतो. झोम्बी व्हायरसचा जगात पसरला तर पुन्हा एकदा कोरोनासारखी साथ जीवघेणी साथ पसरले, अशी भीती शास्त्रज्ञांनी वर्तविली आहे. करोनाच्या संसर्गानंतर संपूर्ण जगात महामारी म्हणजे साथीच्या रोगावर उपाय शोधला जात आहे. भारतासारख्या प्रचंड लोकसंख्येच्या देशात झोम्बी व्हायरसचा प्रादुर्भाच चिंताजनक ठरु शकतो.
