मुंबई : मुख्यमंत्री उद्धव ठाकरे यांच्या हस्ते आज (ता. १४) इलेक्ट्रिक व्हिक्टोरिया बग्गींचे अनावरण करण्यात आलं आहे. त्यामुळे मुंबईकरांना आता व्हीक्टोरिया राईडची सफर करता येणार आहे. ही राईड पूर्णपणे इलेक्ट्रिक असेल.
गल्ली ते ग्लोबल सर्व गोष्टी जाणून घेण्यासाठी ई-चावडीच्या फेसबुक पेजला लाइक करा
मुंबईत गेट वे ऑफ इंडिया, मरिन लाईन्स, काला घोडा, फ्लोरा फाऊंटेन, नरीमन पॉईंट, गिरगाव चौपाटीसारख्या ठिकाणी ही राईड सुरू करण्यात येणार आहे. नुकतंच या राईडची चाचणीही घेण्यात आली आहे. या राईडची किंमत १०० रूपयांच्या घरात असण्याची माहिती मिळत आहे. शिवाय विकेंडला ही इलेक्ट्रीक व्हीक्टोरिया बग्गी हेरिटेज टूरही घडवणार आहे. ज्याची किंमत ५००रूपयांच्या दरम्यान असेल.
मुख्यमंत्री उद्धव बाळासाहेब ठाकरे यांच्या हस्ते आज इलेक्ट्रिक व्हिक्टोरिया बग्गींचे अनावरण करण्यात आले.
CM Uddhav Balasaheb Thackeray launched Electric Victoria Carriages today. pic.twitter.com/NwMDuGO4Gf
— CMO Maharashtra (@CMOMaharashtra) March 14, 2021
या एकूण १२ बग्गी आहेत. २० किलोमीटर प्रति तास असा या गाड्यांचा वेग असेल. मुंबईतल्या गर्दीच्या ठिकाणी या बग्गी चालवता येणार नाहीत. मात्र या गाड्यांचे मार्ग आणखी वाढवता येतील का याबाबत सुद्धा विचारविनिमय सुरू आहे. उबो राईड्ज ही कंपनी या राईड सुरू करणार आहे. राज्य सरकारच्या परिवहन विभागाने याला परवानगी दिली आहे.
