नवी दिल्ली : मोदी सरकारच्या नवीन कृषी कायद्याला विरोध करणाऱ्या शेतकऱ्यांना बदनाम करण्यासाठी अनेक प्रयत्न केला जात आहेत. सत्ताधारी पक्ष आणि माध्यमांच्या एका गट कधी त्यांना देशद्रोही म्हणत आहेत तर कधी दहशतवादी किंवा चीन-पाकिस्तानचा एजंट म्हणून शेतकऱ्यांची बदनामी केली जात आहे.
गल्ली ते ग्लोबल सर्व गोष्टी जाणून घेण्यासाठी ई-चावडीच्या फेसबुक पेजला लाइक करा
शेतकऱ्यांवर होणाऱ्या अशा आरोपांमुळे लोक चांगलेच संतापले आहेत. शेतकऱ्यांना देशद्रोही म्हटले जाण्यावरही विरोधकांनी आक्षेप घेतला आहे. कॉंग्रेसने राहुल गांधी यांनी ट्वीट केले की, आंदोलन करणारे शेतकरी ‘खलिस्तानी’ आणि खोटे भांडवलदार हे केंद्र सरकारच्या दृष्टीने त्यांचे ‘सर्वोत्कृष्ट मित्र’ आहेत.
तर दुसरीकडे, राहुल गांधी यांच्या या विधानाचे समर्थन करताना शिवसेना खासदार संजय राऊत यांनी मोदी सरकारवर हल्लाबोल केला आहे. राहुल गांधीच्याच नव्हे तर संपूर्ण देशाच्या देखील याच भावना आहेत, असे संजय राऊत यांनी म्हंटले आहे. तसेच, जो कोणी मोदी सरकारविरोधात आवाज उठवेल तो देशद्रोही आहे, पाकिस्तान आणि चीनशी संगनमत असल्याचे भाजपा नेते बोलतात.” असेही राऊत यांनी म्हंटले आहे.
आंदोलनकर्त्या शेतकऱ्यांच्या कुटुंबातील निम्मे लोक भारतीय सैन्यात आहेत. मात्र तरीही त्यांना देशद्रोही म्हंटले जात आहे. जर उद्या आपण काही बोललो तर आपल्यालालाही गद्दार म्हंटले जाईल. मोदी सरकारसाठी भांडवलदारच त्यांचे खरे मित्र आहेत.
यापूर्वी कॉंग्रेस नेते राहुल गांधी यांनी शेतकऱ्यांचा देशद्रोही उल्लेख केल्यानंतर मोदी सरकारला फटकारले होते. त्यांनी ट्विट करून मोदी सरकारवर निशाणा साधला होता. ”मोदी सरकारला विरोध करणारे विद्यार्थी देशविरोधी होतात आणि देशातील जबाबदार आणि संबंधित नागरिक नक्षलवादी बनतात.” स्थलांतरित मजुरांना कोरोना कॅरियर म्हणतात. आणि बलात्कार पीडितांचे तर कोणतेही अस्तित्व नाही. ज्या शेतकऱ्यांनी निषेध केला ते म्हणजे खलिस्तानी… आणि विचित्र भांडवलदार हे त्याचे चांगले मित्र आहेत” असे राहुल गांधी यांनी म्हंटले होते.
