चेन्नई : भारताविरूद्धच्या पहिल्या कसोटी सामन्याचा पहिला दिवस इंग्लंडच्या नावावर राहिला आहे. दिवसअखेर इंग्लंडच्या संघाने ३ बाद २६३ धावांपर्यंत मजल मारली आहे. पहिल्या सत्रात दोन गडी गमावल्यानंतर संपूर्ण दिवस सलामीवीर डॉम सिबली आणि जो रूट यांनी खेळून काढत संघाला भक्कम स्थितीत आणले. रूटने नाबाद शतक ठोकलं, पण सिबली शेवटच्या सत्रात ८७ धावांवर पायचीत झाला आणि दिवसाचा खेळ थांबवण्यात आला.
गल्ली ते ग्लोबल सर्व गोष्टी जाणून घेण्यासाठी ई-चावडीच्या फेसबुक पेजला लाइक करा
चार सामन्यांच्या मालिकेतील पहिल्या कसोटीला शुक्रवारी सुरूवात झाली. नाणेफेक जिंकून इंग्लंडने प्रथम फलंदाजीचा निर्णय घेतला. सलामीवीर रॉरी बर्न्स आणि डॉम सिबली यांनी अत्यंत संथ सुरूवात केली. काही वेळाने अश्विनच्या गोलंदाजीवर हल्ला चढवण्याचा प्रयत्न करताना रॉरी बर्न्स झेलबाद झाला. त्याने ६० चेंडूत ३३ धावा केल्या. त्यानंतर नवखा डॅन लॉरेन्स धावांचं खातंही उघडू शकला नाही. पाचव्या चेंडूवर त्याला बुमराहने पायचीत केले. पण त्यानंतर पहिलं सत्र आणि दुसरं संपूर्ण सत्र सिबली-रूट जोडीने खेळून काढलं.
Jasprit Bumrah breaks the solid 200-run stand between Dom Sibley and Joe Root, and it's stumps in Chennai!
England lose their opener for 87.#INDvENG | https://t.co/gnj5x4GOos pic.twitter.com/jt868a591f
— ICC (@ICC) February 5, 2021
रूटने दमदार शतक झळकावलं तर सिबलीने आपली लय कायम राखत त्याला साथ दिली. रूट-सिबलीने २०० धावांची भागीदारी केली. परंतु दिवसाचा खेळ संपण्यासाठी काहीच चेंडू शिल्लक असताना सिबली १२ चौकारांसह ८७ धावांवर पायचीत झाला आणि खेळ थांबवण्यात आला. जो रूट १४ चौकार आणि १ षटकारासह १२८ धावांवर खेळत आहेत. जसप्रीत बुमराहने २ तर अश्विनने १ बळी टिपला.